الســلام عليكم ..
شـــحالكم 
سـؤالي هو عن التجهيز للزهبة .. وو ان شاءلله بإذن الله عرسي بعد 4 شهور ..
ابتدي آخذ زهبتي أحينه ولا اتريا بعد ..
لان انا بآخذ زهبتيه ويا حرمة أبويه ( أمي بعيده عني ) سالفه طويلة
المهم .. يوم رمستها قلتلها خلنا انسير احينه ..
قـالت .. لااااااا ويـــــــــن خلينا نآخذ على آخر 12 يعني اول 1 وانا عرسي ان شاءلله 28-2
وحتى قالت فستان العرس بنفصله آخر 12 ..
والله اني خايفة اني مااخلص واني اتوهق عقب اني ماخلصت شئ وعن الفستان
اذا ماخلص في الوقت المحدد .. يــاربيي والله تعبت من التفكير ..
قلتلها ليش مانسير احينه قالت لااا عقب بتنزل موديلات يديده .. ياخي الا كم شهر من بينهم
مابتفرق الموديلات .. !!!!
أحينه شوو .. تتوقعون اني بخلص لو نمشي ع كلامها ولا اسير ارمسها واقوللها انسير احينه
وعلى فكرة ان ملجتي بتكون قبل العرس باسبوعين تقريبا .. وقبل العرس بيومين ليلة الحناء ..
يعني أحسن نخلص أغراض العرس وعقب نفضى حق اللي باقي . صح ؟
انتوا وياي ولا وياها ؟
واذا تبين اتفصلين من الحينه لازم اتسيرين وتحجزين بعد واذا تبين اتاجرين نفس الشي لازم اتسيرين ادورين كذا مكان واتشوفين عقب اتقررين ع مكان واحد
ومن الشهر الياي اتزهبي حق العيد وحق عرسج مره وحده وكل ما تظهرين اشتري عسب اتخلصين وماتنسين شي
واهم شي تحجزين الميك اب والشعر حق العرس
واذا تبين اي مساعده ثانيه انا حاضره الغاليه
لازم تتزهبين من الحين والاشياء الناقصة لاحقة عليها ولازم تحجزين الميك اب والتسريحة والفستان من الحين لانه عندهم بكون وايد حجز
لا تخافي انا نفسج وشوفي الحمد لله..
خذيت الزهبة شهر 10 وخلصت كل شي وبعد الشهر ما خلص ..
ولله الحمد كل شي جاهز لو اعرس اليوم عادي تطمني..
والله يوفقج.
ولو تميتي لقبل العرس بشوي تتجهزين بيبان التعب والارهاق على ويهج …
بس خليها تكون بداية 12 او عقب العيد مباشرةً أحسن
هممم
ابدي بالاشياء المهمه بالنسبه للفستان قوليلها ابا افصل عند المصمم الفلاني وسيري له من الحين احسن
واضمن بس هم عادي عندهم
وهم يخلصون الفستان خلال شهرين..
بالنسبه للزهبه قلت لج عقب 12
المهم بشهر 2 تكونين فاضيه حق نفسج وراحتج النفسيه + نظافتج الشخصيه
وبالبركه عليج ^_^