أبغي اعرف كيف انظف الدياي …. يوم اطبخه … وشو البهارات الي احطها عليه ؟ المطبخ الاماراتي

أنا يديده فالطبخ …. لا تضحكون عليه …

السلام عليكم
حبيبتي كل وحدة تعلمت محد طلع يعرف كل شيء
انا وأعوذ بالله من الكلمة انظفها بالليمون وبعدين اتركها بالروب فترة بروح الزفر منها
والسموحة

اغسليها بالماء جيدا وازيلي الاجزاء الحمراء الرئتين والكلاوي من داخل الدجاجه
ضعي عليها ليمون اوبرتقال وافركيها بالدقيق واتركيها عشر دقائق ومن ثم اغسليها
بالنسبه للطبخ البعض يسلقها في ماء مغلي لمدة دقيقتين وتتخلصين من الماء ثم تضعيها في ماء جديد
بهارات الدجاج المسلوق اوكبسه
ورق الغار ليمون اسود كامل مو مطحون هيل وفلفل اسود وعود قرفه وكم حبة قرنفل واذا حبتي تضيفين كزبره
ولاتنسين تكون البهارات صحيحه وكامله مو مطحونه
اذاكان بالفرن
تكون بهارات مطحونه فلفل اسود ــ زعتر اوريغانوــ زبادي ــ ليمون ــ سماق ــكزبرة ــثوم بودره ــ بصل بودرة او طازج ـ ملح ــكركم ــ شطةــ فلفل احمر بودرة( اختياري)
ان شاء الله افدتك
اي سؤال الجميع راح يساعدونك ،،،،،

عشان تروح زفرة الدياي بعد ما تغسلينها أضيفي لها الليمون والخل والملح مدة نصف ساعة وبعدين غسليها مره ثانيه..أوتفركينها بالطحين ثم تغسلينها..

للشوي أضيفي لها الفلفل الأسود والبهارات والزنجبيل والليمون مع الروب هاي الخلطه تخلي الدياي طعمه لذيذ جدا..
حظ موفق إن شاء الله..

اغسل الدياي عدل وحطيه في الماي وفوريه حطي فيه مصمار وجرفه كركم وليمون يابس وخليه يفور عدل وبعدين صفيه وسوي فيه لي تبينه واذا تبقين التفاصيل على الخاص