الصراحه أبا أفكار تزيين غرفة بعد الولاده في المستشفى ، أتمنى تعطوني من أفكاركم أو تجاربكم
لاني حامل ، وهذا اول حمل لي وأبا أسوي شي حلو ومميز
فياريت اتفيدوني عشان ابتدي اسوي من الحين اذا السالفه يبالها شغل وفن
والله يثبته ويجعله قرة عين لي ولابوه يا رب
ادعولي
شي طقم كامل حق السرير ولبس لج ولبيبي
وبعد في محل يسون فها بالونات اشكال حلوه اتسوين منها وتحطين عند مدخل الباب
وعلى طرف الثاني اتحطين توزيعات البيبي
وعلى الباب من بره اترومين اتحطين تور لون اللي تبين وتزينينه بالنجوم او الورود وووو كلمة welcome
وووووووبعد ايوا تزين كاسات العصير
وبعد تحطين قطعة سجاده اصغيره
وان شاءالله اتقومين بسلامه يالغاليه
وخذي سلل حلويات اذا بنت طبعا السله لونها وردي واذا ولد ازرق وحطي في السلل حلويات وكتيبات صغيره أدعيه أو ابيات شعر بقدوم البيبي…افرشي زوليه راقيه وحلوه في الغرفه وطلبي كراسي نوع واحد مب اثنين يتشابهن والباقي لا…واذا عندج خدامه..لبسيها منيفورم مرتب وخليها تشل الدلال وتصب وتقدم العصير في اكواب اشكالها حلوه وتصلح لضيوف وتحووط بسلة الحلاو ع الضيوف
حق الضيافة تقدرين تسوين لهم نوع من السويت يتقدم مع العصاير وهي تنحط باكواب صغيرة والسويت هذا عبارة عن طبقات من البسكويت والدريم ويب مخلوط باشياء ثانية شرات السنافر
واذا حابة تسوينه بنات قسم وزاوية الحلويات ما بقصرن وياج ان شاء الله
وعن الكاكاوات او التوزيعات ممكن تقدمينهم بطريقة حلوه بدال السلال يعني عندج العربة حق تقديم
الشاي شرات الاجانب وطبعا تزينينها بلون الوردي لو بنت وازرق لو ولد