بدايه … أحب أبارك لكل وحده بشرتنا آنها حامل … والله يثبت لها حملها وتقر عينها وعين زوجها بشوفته
وآنا وحده منهم الله رزقني وأحمد ربي الف مره لأنه خلاني آحس بمعنى الامومه والحمل وأن في شي ينمو في بطني … والله انه آحساس آتمنى آن كل وحده تحس فيه لأنه شي عظيم ….
حبيت آكتب هالموضـــوع …. في هالوقت لأنه الحمدالله الله رزقنا بالخير والامطار والله يزيدنا من خيره ويرحمنا برحمته .. والكل يعرف أنه الدعاء وقت المطر مستجاب والله أعلم …
فكتبت هالموضوع عشان اذكركم أنكم تدعـــون حق كل محرومه بالذرية الصالحه عسى الله يستجاب لي ولكل وحده تدعوا عشان يحسون بالفرحه اللي ذقناها ويذوقون طعمها … واللي يتمنى الخير لغيره .. الله يكتب الله الخير
والله يشهد علي آني آدعي واقول الله يرزق كل محرومه بالذرية الصالحه ويارب فرحهم مثل مافرحتني انك على كل شي قدير …
انا ابا اخبركم عن تجربتي في الحمل …
قريت موضوع أحدى الأخوات .. الله يجزاها كل خير …
https://forum.uaewomen.net/showthread.php?t=554066
وكنت أقول في كل سجده آسجدها لربي ..
اللهم لا تذرني فردا وآنت خير الوارثين 40 مره
لانه في السجود يكون الانسان قريب من ربه
والحمدالله الله ماينسى شخص يذكره …
وكنت آدعي وانا على وضوء في كل جمعه في آخر ساعه من العصر لأنها ساعه مستجاب فيها الدعاء …
ولا تنسون (الصدقـــه) الحمدالله كنت أتصدق بنية انه الله يرزقني وكان المبلغ اللي اتصدق فيه على قدي … بس آهم شي النيه … ومن فرج على مسلم الله فرج عليه ….
وبعد دعوات خواتي هي احد الاسباب في حملي والحمدالله … فعشان جي اتمنى من كل وحده أنه تدعي وتقول الله يرزق كل محرومه بالذريه الصالحه يارب ….
وأهم شي الصبر وعدم اليأس …. وقوه الايمان … وحب للغير ماتحبه لنفسك …
آخيراا ..
اتمنى انكم تدعون لي أنه الله يسخرلي ويحفظ لي زوجي ويثبتلي حملي وتقر عيني وعين أبوه بشوفته …
آختكم
روح طفله …
اللهم ارزقني وارزق كل محرومة ومن تتمنى الذرية الصالحة عاجلا غير آجلا
والله يتمم لج على خير وتفرحي بشوفته
ويرزق كل وحدة تتمنى الحمل …
جميلة مشاعرج ربي يحفظج ان شاء الله ..
ومشكورة عل نقل التجربة الرائعة جزا ربي صاحبة الموضوع كل الخير ..
وإياج بالمثل 
وعقبالنا ياااااارب