آخر اعمالي "تزيين غراش عطر الاعراس" العروس الاماراتية

بنات انا قررت انشاءالله اي شي بسويه بصور خطواته بالتفصيل واحطهم هني للاستفاده واي استفسارات انا حاظره.

اليوم يايبتلكم غراش عطر مزينات,
المطلوب من العروس حسب ثييم العرس هو اللونين البنفسجي والوردي.

اول براوييكم الصوره النهائيه وبعدين بننتقل للتفاصيل

الغرشه بروحها

************************************************** ************************

الغرشه الواحده مع سلتها

************************************************** ************************

صور اخرى من كل جنب

************************************************** ************************

صوره الشغل من جريب

************************************************** ************************
************************************************** ************************

والحين نيجي لطريقه العمل

في البدايه كل شي يعتمد على ابداعج طبعا وطريقتج الخاصه وشو بيظهر وياج بالشغل.
يعني………انا مثلا لما اشتغل صحيح احط ديزاين براسي وارسمه وعلى هالاساس اشتري الادوات,
بس الصراحه عمري ما تقيدت بالديزاين الاساسي دايما وانا اشتغل اغير وايد اشياء وهذا اللي يخليج دايما راضيه عن شغلش حتى لو ما عجب الناس المهم انج تحطين روحج فيه.(اههههم اهههم عادني وايد اتفلسفت)

المهم نصيحه: دايما اشتري اغراض زياده عن اللي تفكري فيها للديزاين عشان لو حبيتي تغيرين او تضيفين يكون سهل.

نعود لموضوعنا

هاذي المواد المستخدمه

********************************
وهذي طريقه العمل

أولا: نجيب الغرشه ونظفها زين من برع وداخل ونلف عليهن خيط صوف ونثبت طرفه الاول والاخير بالسوبر جلو القوي (على فكره اللزق الشمع بالمسدس ما يلصق على الزجاج فاخترت فكره الصوف عشان اقدر اثبت الاكسسوار واغير شكل الغرشه).

**********************************

ثانــيا: نركب عليها فصوص فولك او كريستال باستخدام لصق الشمع المسدس

*****************************

ثالثــا: نحط الورود باستخدام لصق الشمع بعد ( وانا هني اخترت ورود بلاستيك)

*********************************
رابعا: نربط قطعه دانتيل او شيفون على عنق الزجاجه على شكل فيونكه ونحط ورده قماش بالنص.

ملحوظه سداده الغرشه زينتها بالدانتيل من الجنب وحطيت على الاطراف الاربعه ورد قماش.

وبجي بنكون خلصنا الغرشه

************************************************** ******************************

اما بالنسبه للسله

اولا: نجيب ثلاث طبقات شيفون ودانتيل بلونبن ونقصهم على شكل شريط طويل نفس المقاس تقريبا 10سم عرض وطول حسب السله وكبرها (هني استخدمت وار)
نكشكش بالطول بالخيط والابره وبعدين نلفه حوالين القاعده ونثبته
على اليد نلف شيفون بلونين حق المسكه.

************************

ثانيــــا: نلصق دانتيل مكشكش رفيع على الطرف العلوي للسله ونحط عليه ورد قماش.

ثالثــــا: بين الطرف العلوي والقاعده وبنفس الطريقه نلصق فرنشه ماله الستاير يكون فيها كريستال داير مايدور السله.

*************************

خامسا : على الجنب للسله حطيت ازهار بلاستيك وفروع فيهن خرز

واخيرا نلصق شويه فولك هني وهناك باستخدام المسدس لتكمله الشكل

************************************************** ************************************************** ************************************************** ************************

انشاءالله يكون كل شي واضح ولا تحرموني من تعليقاتكم انا اتقبل النقد وايد زين (عادي)

ولي عوده انشاءالله مع المزيد