آثار الحناء صار لها شهرين على أيدي .. ساعدوني الله يساعدكم للقضاء على السمنة

السلام عليكم

اشحالكن خواتي ؟؟؟

بغيت منكن المشورة

لأنه أنا ملجت شهر واحد ولما تحنيت بقت آثار الحناء على أيدي ليومي هذا ..
جنه أيدي محروقة ..

وأحسني وايد مضيقة من هالعلامات …

بليز إللي عندها نصيحة تفيدني ..

لأنه عرسي جريب وأريد أخوز هالآثار على أيديني ..

للرفع

الغاليــه اتصلي على مستشفى النور بأبوظبي

وقوووليلهم قصتج .. اذكر ان عندهم علااااااااج

وعند سعاااد لطفي بعد علاج لهالآثاااااار ..

اتمنى اني أفيدج غناااااااتي

مشكورات خواتي …

انا عسب اشيل علامات الحنه

اسوي تشقير جسم عليها لفتره وافركه وعقب اشيله

لكن اذا جسمج حساس وايد ترى التشقير يحرق لا تحطينه

والسموحه

اختي الظاهر انج حافة ايدج قبل الحنة بيوم او نفس اليوم ,, لان بهالطريقة تم اثار الحنة على ايدج مثل الحرق ,, انصحج تسوين سكراب ليدج وتحطين كريمات تبييض ,, واذا تقدرين تروحين لطبيبة يكون احسن وربي يسهل عليج ويشافيج ويعافيج وتطلعين احلى عروس ^^

حبيبتي احنا على طول نعاني من هالمشكلة لاننا نسوي حنة سودة في السودان
تروحين مركز لا جبان تجيبي منهم شي اسمة نشادر(امونيا) تخلطين شوية ويا ليمونة
تمسحين مكان الحنة وتلبسين كيس وتخلينها ساعة لين ايدك تطاع ماي وبعدها خلي المكان بنشف على الهوا وبعده حفي المكان بي حلاوة شوي شوي مو تكوني عنيفة وبخوز شوي شوي