¬•|السينااابون طريقة التحضير بالصور من اعداد +ميثهـ+|•°¬

×
××
×

السلام عليكم روحمة الله وبركاته

صباحمساء الخير ع الجميع =)

طبعاً الموضوع مبين من عنوانه وهذا أول موضوع لي في المدونة بكبره

>>لاحظواا بكبــره هع هع هع

ما برمس وخلكم ويا المقادير وطريقة التحضير

أربع أكواب طحين – فنجان سكر – نصف كوب زيت – كوب حليب بودره –

ملعقتين خميره – ملعقه بيكن بودر – ملعقه صغيره من الملح – كوبين ماي دافيء

نخلط المقادير الجافه مع بعضها وبعدين نضع الزيت .. وبالتدريج نضع الماء الدافيء .. نعجن العجينه ونتركها لمدة ساعه لتخمر ..

للحشوه نحتاج زبده – جرفــه – سكر بني – مكسرات (يووز)

حلوو الكلام لحد الحين .. لأنه طريقة الاعداد راح تكون بالصور ما برمس واايد خخخخ

عقب الساعه نحضر العجينه وراح تكون بهذا الشكل

نقسم العجينه إلى ثلاث كور أو أربع

نقصص أطرافها وتكون بهذا الشكل

ندهنها بالزبده

وبعد ذلك نحط الجرفه + السكر + اليووز << بهذا الشكل بالترتيب أوكـي

وبعدين نلفها ونخليها شرات الروول بهذه الطريقه ونقطعها قطع صغيره

بعد ذلك نصفهم بصينية الفرن وندهن الوجه بالزبــده

ندخل الصينيه بالفرن ونشغل على القطع من تحت لين تحمر شوي وبعدين
نشغل الفرن من تحت لين ما تظهر بهذه الصورهـ

وفي النهايه راح نعمل الصووص >> اللي يتكون من <<

فنجانين سكر + قشطه + فنجان ماء + شوي من الجرفـه

نذوب السكر ومن ثم نضيف القشطه + الماء + الجرفه

واللي يجب يجرب الصووص الأبيض >>بالنسبه لي ما يربته أبداً<<

اللي تحب راح أقولها الطريقه ^-^

هذربت واايد >>لووووول<<
ما علينا في الأخير راح يظهر بهذا الشكل

وبس خلالالاص

ما يخصني اللي بتيوووع تروح تسوي لها ولا اتي عندي البيت وبسويلها هع

أنا روحي يعت وانا صايمه من زمان ما سويت وآخر مره سويت السينابوون

احترقت بالسكر وعلم الحرق في ايدي >صدق اني اهذرب واايد

يله في وداعته =)

خويتكم

+ميثانــه+

وان شاء الله أشوفكن في طبخاات ثانيه >>صدقت عمري خخخخ
×
××
×

تسلم الايدي على هالطريقه الحلوة…

انا من 3 ايام مسويه الهم سينابون وطلع رهييييييييييييييييييييييييييييييييييب ..

وهذي صوره السينابون مالي ..

حسبي الله ع ابليسكن

يوعتوني وانا صايمة

الحينه بنش اسوي لي شوية سينابون وشوية فطاير

تسلم يمناج ميثانه ع السينابون الغاوي

يم يم

سينامون ولا احلى

يمييمييميمي

تسلم ايدج