احم اليوم نشيت من الرقاد سرت عند امايه و سألتها شو مسوين غدى جان تقولي مندي
هع عاد انا من الملل قلت بصور و بحط لكم الطريقه
طبعا اول مره احط شي ف ها القسم ف ابى اشوف ردوودكم الي تحمس عشان احطلكم Moore
^
^
^
^
نحمس 3 بصلات مقطعات قطع كبيره لين ما يذبل البصل مب يتحمر
و عقب نحط البهارات على البصل ( نص ملعقة كركم_الفلفل ملعقه_بزار المندي ملعقتين_ المسمار ملعقتين_فلفل اسود ملعقتين)
و نضيف عليهم ملعقة ثوم
و عقب نحط 1 ماجي دياي و 1 ماجي عيش
و عقب نخلطهم مع بعض و نحط الدياي فوق الخلطه بدون ما نجلبه و نغطي الجدر لمدة 10 دقايق
على نار هاديه
و عقب نجلب الدياي ع الصوب الثاني و نخليه بعد 10 دقايق
و عقب ما يمرن ال 10 دقايق نضيف الماي لين ما يغط يالدياي و نحط الملح
و نخليه يفور لين ما يستوي الدياي شويه و عقب نظهر الدياي من الماي و نحطه ف صينيه و نحطه ف الفرن و عقب نظيف على الماي العيش و نظهر البصل نعقه يعني و نخليه لين ما يسكر
نحط (نص ملعقة زعفران و نص ملعقة صبغ طعام و شوية ملح و نحط شويه من ماي الدياي) على الدياي طبعن قبل ما نحط العيش و نحط الدياي ف الفرن
جيه بيكون شكل العيش عقب ما نسكره
انزين و عقب نظهر الديااي من الفرن و نصفه فوق العيش
و نحط مله ف النص و فيها شوية زيت و عقب نحط الفحم و نغطي الجدر و نخليه يسكر مره ثانيه
و ها الشكل عقب ما نخلص ^^
ترومون تقدمون وياه سلطة الروب و جتني طماط
حبيت اظيف ملاحظه : اذا بغيتو العيش يكون نثري بس ودنوه 10 دقايق ف الماي مب اكثر
و بث ^^ بباي لا تنسون الردود هع
تسلم الايادي والله ….. الطريقة ولا اسهل …..
تسلمين غناتي عالطبخه …. وجاري تطبيقها باجر عالغدى
بالعافية عليكم ..
و بانتظار يديدج اختي ..
تسلم ايدج عزيزتي ^^
تسلمين عزيزتي..
المشاركة الأصلية كتبت بواسطة اموووره 
تسلم الايادي والله ….. الطريقة ولا اسهل …..
تسلمين غناتي عالطبخه …. وجاري تطبيقها باجر عالغدى
تسلمين غناتي ع المروور ^^
و نتريى تطبيقج