•° كيكة الكت كــات °• بالصور }..~* طبق اماراتي

مرحبا خواتي شحالكن ^_^

هذي أول مشاركه لي في قسم الطبخ والحلويات

وان شاء الله تنال إعجابكن

صدقوني ما بتندمن لأنها لذييذه جداً وبشهادة الكل

باكيت كيك جوكليت

5 حبات جبن كيري

قوطي قشطة

ظرفين دريم ويب

خاشوقتين كبار باودر جوكليت

ملعقة وربع حليب بودرة مذوبه فالماي

4 كتكات

.. [ مقادير التوفي ] ..

كوب سكر

قوطي قشطة

الخطوة الأولى

1. نفتفت الكيك ونفرشة ع الصينية ونضغط عليه عشان

يتماسك بهالشكل

2. نخلط جميع المقادير ( 1 قشطة ،, 5 جبن كيري ،, 2 دريم ويب ،, الحليب ،, الجوكليت باودر )

3. نكسر ونفتفت الكتكات ونضعه مع الخليط السابق

ونشغل الخلاط ،, ونتركه فترة بسيييطه جداً ليين ما نتأكد إن

الكتكات امتزج مع الخليط

ونتركه ع صوب

الخطوة الثانية

4. وأحين طريقة عمل التوفي

أولاً نحط كوب السكر ع التاوة ونتركه لين يحر شوي (نفس

ما تشوفون فالصورة )

وأول ما يبدا يتغير لونه ضيفو القشطة (عند الخطوه الرابعه) .. بس ع فترات

بس لاازم تستمرون فالتحريك عشان ما يتيمد السكر ويسويلكم

سوالف مب حلوة

وبيكون شكله نفس الشكل فالخطوة الخامسه والسادسه

5. صبو التوفي ع الكيك ودخلوه الفريزر لين ما يتماسك شوي

6. ظهروا الصينية من الفريزر وصبوا الخليط الأولاني

7. زينوه بالطريقه اللي تحبونها