أمممم بنات مو عارفة من وين ابدا موضوعي , لأنها صراحة منتشرر بشكل كبير :
الحين يا بنات معروف إن البنات في إزدياد , و العنوووسة ايضا في إتساع كبير " معروف إن هذا نصيب
واللي الله كاتب لها تتزوج بتتزوج " لكن فيه أمور غريبة جداً ..
ما عرفتها إلا وقت بنخطب لأخوي ..؟!!!
أقولك اول صفات أخوي :
– عمره 31 سنة
– طيوووب لآخر حد مع الكل , حساس , سريع التأثر جدا , هاادي .
– كريم جدا جدا لدرجة الإسراف ههه .
– يصلي والحمد لله ويخاف الله , ما عنده علاقات ابدا ولا معاكسات نهائيا
– موظف على قده مرتبه ما يتجازو 3000 ريال .
– عنده سكر , مدخن .
( المشكلة ) إنه نوى يتزوج لأنه تعب على حد قوله وبيكون اسرة وياخذ بنت يخليها كل حياته ويعيش
معها الحب والراحة والإستقلالية " هذا كلامه مو كلامي " ..
مواصفات البنت :
ما يبغى مواصفات معينه حتى العمر يقول عادي لو أكبر مني بسنة وسنتين " والشهادة لله هو يحزن
لما يشوف بنت كبيرة مو متزوجة ويقول ياليتني أقدر اتزوجها , وإذا رحنا بنخطب له بنت من اي عائلة
يقول أخطبولي أكبر وحده فيهم ولا تتعدونها للصغيرة ابدا .. عشان ما تتحسس "!!
ويبغى البنت مقبولة ومؤدبة ومو طويلة ههه يبغى قصيرة ..!
المهم :
كل ما رحنا بنخطب له , والله يا بنات نروح لأقاربنا الي يكون عندهم بنات خمسه أوستة وكلهم عزابيات
وفوق العشرين , يرفضون ويطلعون حجج ما لها داعي ..
وأكثر من عائلة صار هالشيء , والله إني احزن على البنات خساااارة يفوتون وحد مثله , وهم مو صغار صراحة , ويمكن اليوم جاء نصيبها , بكرة لا ..؟!!
المهم أنا حسيت إن التعقيد أكثر من الأهل , من الأم والأب واخوانهم , يعني البنت مالها راي ..
والله حرااام ليش طذا , يعني ما يشوفون إنا بعصر فتن وإنفتاح والبنات الحين كثار وممكن يتزوجون
رجال متزوج وتكون ثانية أو ثالثة ومظلومة , أو كبير بالسن ..
ليش الناس ماعندهم ضمير ، ويرخصون ببناتهم كذا , والمشكلة مو دارين عن البنت تطلع تضيع
اهم شي لا تتزوج بدون رضاهم ..
حتى البنات يبغون مواصفات تعجيزية , تبغى منصب ومال واخلاق مثالية ..
هالمواصفات نااادرة جدا , فالوحده ترضى بالموجود لا تضطر بعدين لواحد أخس من الأول ..
على فكرة :
أخوي الحين متأزم ليش يرفضونه , وفيه بنت أخت زوجة أبوي تعاااكسه والله العظيم ترسل له مسجات
كثيرة وإحنا مو دارين نسأل مين ولا يقول لنا عشان لا يفضحها , لكن كشفناها بعدين ..
ولا همها عاادي عندها أصلاً إحنا نستحي نكلمها ونقول لها عيب لأنها شرانية الله يهديها ..
واخوي حلم حلم وفسره وقالوا له إن فيه وحده حاقدة عليه ومسويه له عمل عشان يتزوج أختها ..
تصدقون مين طلعت " زوجة أبوي " والله العظيم واخوي يقول كذب مو معقول ودائم وهمو عندها
وما يرضي عليها ..
ادعوا نلقاله عروس ونرتاح من مرة أبوي وخواتها .. والله إحنا مسالمين مرررررررة ومالنا بالمشاكل
كثرت موت الفجاة فلنغتنم الفرص للعبادةغدا الاربعاء اول يوم
و في بنات يبغون يشوفون اهل الخطيب لو متمسك فيها او يمكن يشرطون شروط غبية اهم شي الطرفين مقتنعين
ونحن بروحنا نقول هالبنات كيف ما عرسن،،،
الله يوفقه يارب ويسر امره