يوميات لولو …. من الفيلة الى الغزلان <— باذنه تعالى سلامة الحمل

اخيرا اصطلبت و قلت بنزل يومياتي
عشان الكل يشجعني
طبعا الحين الوزن ما بين 99 و98
الطول 151
الهدف الاول طبعا هالشهر … توديع عالم التسعينات ^_^
و الدخول لعالم الثمانينات

اليوم من نشيت الصبح شربت كاسين صغار ماي

عقب بشوي شربت كوب حليب بالزنجبيل <— الوالدة متوصية بالزنجبيل وايد هالايام
و انا في الدرب دقتني هلاعة فظيعة و تخبلت و شريت لي قوطي صغيروني ايس كريم فانيلا
كليته في الدرب <— لزوم الطاقة للشغل
جي تقريبا عقب ساعة و نص شربت كوب جاي اخضر من دون سكر <— عودت عمري عليه كليوم الصبح
و الساعة 11 الصبح تميت اشرب ماي
خلصت دبة مسافي صغيرة + حواطة و تفتيش و شغل بالسايت لمدة ساعة و نص
يعني من الساعة 10- 11:30

الساعة 1 الظهر غداي كان سلطة خضرا ( خيار + خس + بقدونس) <— ما ادري الوالدة ليش مصرة تحط لي بقدونس -____-"
و حبة برتقالة وحدة
و نص ليمونة يالسة اتشاور عليها امصها و الا لا
بس غلطتي اني شربت شوي ماي قبل الغدا بعشر دقايق
الحين من اخلص غداي
بروح اطفر بالمهنس المقاول و اساله عن الشغل و بروح احاوط في الموقع و اشيك على باقي الشغل
خل نتحرك شوي
و لا تنسون التشجيع
بالنسبة لنظام الريجيم ما رسيت على واحد للحين -_____-"