بدون مقدمااات D:
من ثاني يوم عيد ان شاء الله
بعرض لكم يومياتي بالصور
الوزن و الطول بكتبهم بعد يوم الاثنين ان شاء الله
الأشياء الي بحاول أمشي عليها
– شرب من لتر ونص لين لترين ماء يوميا
– المقالي مرة في الاسبوع فقط و على وجبة الريوق ( بيض مقلي مثلا ) أو الغداء فقط
– ملعقة سكر واحدة مسموحة يوميا
– الجوكلت أو جبس مسموح يومين في الاسبوع كبـدآية و بعدين بيتغير الشي
– ممنوع النوع بعد الاكل مباشرة
– الاكثار من الخضروات و الفواكه
– الرياضة يوميا الا لو الظروف منعت
– اضافة جميع العناصر الغذائية ولكن بتوزان
– كسر الريجم عقب الوزن و لكل لازم اصور شو أكلت حتى في يوم الكسر
امممم ها الي في بالي الحين
انتظروني ؛؛
وان شاء الله توصلين لغايتج وتضلين متحمه
متآبعه ان شآء الله
–
وزني – 79.1
طولي آخر مرة كان – 163
اليوم البداية
يارب وفقني
بسم الله الرحمن الرحيم
اليوم الأول 7-11-2011
يومي في البداية ممتاز
بس فليل طلعنا .. ثاني يوم عيد وجي ..
فـ يومي ماصار مثل ماكنت اباه
بس الحمدلله راضية ما احس اني مصختها
الريوق = صمونة مدورة مع بيضة مفورة و جبن و فلفل و خسة & جاي حليب
الغدآء = 5 حبات جيكن نجتس مقلية بزيت الزيتون و كاتجب و مايوزنيز لايت و عصير برتقال فرش
و عقب مثل ماقلتلكم طلعنا وكلت
حبت هيرشي كسسز ( صغيرة اكيد تعرفونها )
و أكلت من حلاوة ( Nerds ) اكيد تعرفونه بعد
و اكلت مشاوي و عرايس و المقبلات ( حمص , ورق عنب , شوووووية تبولة )
وللأسف شربت سبرايت
واقول مامصختها بعد ههههههه
بالنسبة للماي و الرياضة .. ماشربت الا هالغرشة
بشرب قبل مارقد ان شاء الله
وماسويت رياضة
وبس =) الحمدلله