أخباركم يا حلوين
أولا ربئ يسهل على كل حامل يارب ويرزق كل محرومه بالدرية الصالحه جريب ان شاء الله
خواتي الكروشات واللي عندها تجربة
أنا حاليا بنهاية الثامن بس كله أحس بويع شرات الولاده نفس الألم بس عالخفيف ومحتمل
حتى مرا أحس اين بربي بالثامن بس هذا اللي يسمونه منان صح بس يتم عندي لساعات عقب يخف
فبعيت أسأل يستوي الوحده تولد بنهاية الثامن يعني عادي ما ياثر
وها هذا يعني ولادتي جربت
وشو تنصحوني إسوي من الحين يعني شرب ومشئ
وهل الولاده بالبيبي الثاني أسهل من الأول يعني ولادتي بتكون أسهل من أول بيبي
هذا البيبي الثاني لئ
والسموحه طولت عليكم
واذا انتي بنهاية الثامن وتحسين بها الآلام ف يمكن تربين فاول التاسع ..
واذا تبين شي يسرع الولاده علييج بالمشي ولاتنسين تشربين حلول عشان ينظف بطنج ..
والله يسهل ولادتج يارب ..
في حملي الاولي ياني ألم فضيع وانا في الثامن
وسرت المستشفى وسوولي تخطيط وطلع صدق فيني طلق
بس تخيلي متى ربيت؟؟؟؟
ربيت بعد ماخلصت التاسع بيومين!!!
يعني تميت شهر ونص وانا اعااني من الطلق!!!
بس الحمدلله ولادتيه اتيسرت وتسهلت،،،
حبيبتي انصحج تيلسين في ماي دافي،،،وتشربين الاشياء الساخنه
وغير جذيه سوي حليب بالزعفران لآنه الزعفران يزيد الطلق
وربي يسهل علييييييييج يالغاليه،،،،
من اول يوم في التاسع عادي سوي الي تبينه عسب ماتربين في الثامن لانهم يقولون مو زين للياهل
يمكن هذا منان حبوبه وبيتم وياج للتاسع لين تربين بالسلامه والله يسهل عليج يارب
وبالنسبه للولاده انا احس ان الولاده الاولي تكون اسهل لانج ماتعرفين شو السالفه والولادات الثانيه على حسب حجم البيبي وكل شي بيد رب العالمين
والله متى كاتب تربين بتربين خلي اغراضج زاااهبه والتزمي بمواعيدج هاي الفتره عسب تراقبين كل تطور فحاالتج