اخي ميمع مبلغ ( 200 وكسور ) كان يسأل كم تكاليف العرس وتم يحسبها وقالوله ماتزيد عن 190 او 200 قلنا مشاءلله عقل
عقب قال بعرس وبدفع مصاريف العرس بس بشرط وحده تشتغل وراتبها حلو و السبب أنه عنده فكرة خطيرة اونه بعرس بالبيزات اللي يمعهم وعقب بيخلي حرمته تطلع له سياره اللي بخاطره من راتبها خخخخ يعني بيضرب عصفورين بحجر ويسترد فلوسه وبياخذ سياره ووبنفس وقت بيعرس هههه
امممم ليش هالتفكير ليش الناس تفكر بالمصالح في كل شي حتى بالعرس هاذ ما يعتبر استغلال؟ ووين بيلقى حرمه ترضى ههههههه
شورايكم
واسعار كل شي نااااار …
انا بعد اخويه كان جي … ونصحناه وياليتنا لو مانصحناه ..
وسألنا وسرنا وخطبناله .. وهلها قالوا بنتنا متواضعة .. ومانبي شي عليكم …
ويوم صار وقت الجد … المهر روحه 100 الف …
قلنا ماعليه كل شي غالي …
قلنا بنملج قبل .. وعقب حفلة الملجة ..واتفقنا ان الملجة تكون في البيت اهلية بس ..
بعد عقد القران .. قالوا اهلها لأ .. نحن اهلنا وايد وجيرانا و ….. و…… و…… و ………..
طبعا صارت حرمته بعد العقد فكانت تتصل وتملي شروطها وهو مادري شو ياه .. كان يبا
ينفذ كل طلباتها حتى لو كان بالدين ….
قلنا ماعليه وسوينا حفلة ملجه كأنها عرس ….
عقب دقوا وقالوا ال 100 الف ماسدت .. منو بيدفع مكياج البنية حق العرس وفستانها !!!!
طبعا اخويه ظهر جدامنا بموقف رجولي وقال انه دفع مهرها وخلاص ..
عقب اكتشفنا انه سار من ورانا ودفع كل التكاليف ….
وامي سوت زهاب حق العروس تقريبا ب 7000 درهم .. ويوم وديناه
دقوا تلفون وخربطوا …..
المهم المزيونة يات البيت .. ومن اول مايات كل يوم تخلي اخويه يسير البلديه اونه يقدم طلب ع بيت
وتبا مزرعة وتبا عزبة …. ومن غير انها اونه ماتعرف تنظف غرفتها وتبا خدامة حق غرفتها ..
مع ان البيت فيه خدامتين …. وهي ماعندها غير غرفة وحمام ….
وماتعرف تكوي اونه تخاف تحترق …. قلنا ماعليه الخدامات اللي عندنا بيستلمن كل امورج …
والحين مقدمة على الليسن … واونها عقب تبا سيارة اخر موديل ….
واخوي احسه صار يمشي بدون عقل … بس بعد ترا السبب منه من اول …
وللحين مب رايم يقول كلمة لأ في ويهها مادري ليش ….
واهمل في شكله بعد من كثر الديون اللي تيمعت عليه ….والناس تطالبه ….
وراتبه صار مايسمح انه يظهر برا البيت لانه اذا ظهر بتزيد التكاليف عليه اكثر واكثر ….
ليش الناس تفكيرهم جي ؟؟؟
الحين منو المسؤول عن الصرف ؟؟ مب الريال !!!
صحيح ان الواحد ما يحب التذبير والخسر لكن كل شي غالي
الواحد يصرف بالمعقول
بس البعض يتغير عقب العرس يقول بيسوي وبيسوي وعقب كل شي يتغير ولا كأنه قال هالشي
وفعلا الله يرحم ايام اول يوم كان كل شي ع الريال بس الحينه ترى زمن تغير كلن طبعا مب لهدرجه والمبالغة اللي كان فكر فيها اخوي ترى شاف ربعه مطلعين قروض ع سياراتم ويوم فكروا يعرسون ماراموا لان ديون مثقله عليهم
الله يهديه ويصلح حاله ^^
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩