شحالكم يالمآميز ؟ .. و شحالهم كتاااكيتكم ..
عندي اليوم سوال بالنسبه للسفر ..
ان شاإ الله نحن مسافرين عقب العيد إن الله راد
و كتكوتتي بتكون 9 شهور ..
السوال .. شو تسوون ؟؟ و شو تشلون ..
ادري بعده و قت لكن من استويت مآمي و انا كله احاتي هههههه
يعني حاطه في بالي يعني بما انها بدت تاكل اشل لها حرارة الماي او الصخانه عشان اسويلها غداها و جي ..
و رضعتها بزهبها في دله ولا حرارة ماي .. *انا مارضعها لان عقب ماربيت استوت لي مضاعفات قويه و كنت لازم اخذ مضادات حيويه مب زينه حق البيبي 
*
جي اكلها و رضعتها بتكون ويانا اون ذا قوو ..
بغيت نصايحكم لان كل ربعي ماعندهم خبره و امايه فديتها يوم اسالها تقولي بتم عندي الكتكوته هههههه فديتهااا ياربي ..
و صح في الطياره 
المصيبه شو اسوي و كيف اتصرف ؟!؟! والله اني من الحين زايغه ههههه
لا تقولولي شلي البشكاره !!!! انا ضد هالشي و بالقوو بعد ..
الحمد لله اعتمدت على عمري و ولا مره خليت البشكاره حتى تشل امورتي فديت قلبها 
ف اذا بتعطوني نصايح بكون ممنونه لكم كتييير كتييير 
قولولي السفر ويا ياهل سهل
انا نفسج نيو مامي ..
اتوقع لازم تشلين العربانه بعد
وشنطتها اللي بتحطين فيها اغراضها وانتي طالعه تتمشين
ولا تنسين الادويه الاساسيه مثل الادول ومقياس الحراره وغيره
وخذي الحليب الصناعي بكميه حيث انه ماينقص هناك وتتوهقين
عدة المراضع : الصابون وفرشاة التنظيف
هاللي في بالي الحين
^ـ^
الشاعريه مشكوره حياتي
يبالي اسوي لسته الاغراض
واحاتي من احين شكلي بستفيد من موضعج وان شاء الله يفيدونا الماميز
خذي كمية تكفي من الحليب اللي متعودة عليه لانه يمكن ما تحصلين نفس الحليب
عربة
ادوية كاحتياط ( سيري عند دكتور الاطفال وخبريه انج مسافرة وهو بيوصفلج ادوية احتياطية للسفر )
خذي جدر البخار اللي ترومين تسوين فيه العيش والخضار المسلوقة
يعني اسلقي الخضروات الصبح وحطيها فعلب بلاستيك وكل فترة عطيها شوي
هاللي فبالي وان شالله الامهات بعد يفيدونج اكثر
اشتري لها وايد ملابس عسبه ما تغسلين وايد
خذي لها سيري لاك والعيش الجاهز مال القواطي
والأكل خذي جهاز البخار اللي ٢ في ١ يسوي الأكل و يطحنه
وخذيلج خضار حق اول كمن يوم وعقب اشتري مناك
خذي بامبرز تقريبا ع عدد الايام وحطي احتياط عسبه ماتمين تشترين ويمكن ماتلقين نفس النوع
ف الطياره أخذي له شنطه عوده مقسمه تحطين ماي حار ومراضع وحليب واذا يحب بسكوت وأي سناك يحبه
ولبس احتياط ولينكس تغيير
ووقت الإقلاع والهبوط عطيه اما لهايه اذا متعود او حليب المهم يحرك فكه عشان ما يحس بالضغط
ويسري جهزي من الحين رمضان عقب مابترومين
اي سؤال تفضلي أنا سافرت مع ولدي نفس هالسن