وجبات اﻻطفال في عمر السنة ونصف للساحة الامارات

السﻻم عليكم يا امهااااات
اشحااكن

حبيباتي بغيت مساعدتكم
عندي بنت عمرها سنة ونص وضعيفة وايد تخيلو كم وزنها
7 ونص وملعوزتني باﻻكل ماتاكل عدل
اسويلها خضار مهروس ويا لحم او دياي واعطيها سيرﻻك ورز بالروب
وشوربات وفواكه
بس احسها ملت من هاﻻكل

عندكم وصفات لوجبات يحبونها اﻻطفال في هالعمر اتمنى انكم تعطوني خبراتكم وبكون شاكرة لكم

هو المشكلة مب بالوجبة ممكن الطريقة: أختي خليها تيلس على كرسي وتشوفج وانت تاكلين لازم تكون يوعانة مب أول حركة معبرة عن الطلب خليها شوي تتحمس والمفروض في عمر سنة ونصف تاكل معظم أنواع الطبخ ماعدا الحار والمقالي أو العبي معاها وهي تضحك وتلعب حاولي تعطيها الويبة .. لا تعرضي عليها الاكل كل حين كل شي معروض ممكن يكون مرفوض حتى عند الطفل ..الأسلوب نفسه عالجت فيه أطفال العائلة والحمدلله كان ناجح

اكيد ما بتحب الخضار المهروسه .. وهي كبرت على الاكل المهروس
جربي تعطينها معكرونه .. ممكن سباغيتي مع لحم مفروم .. او سويلها بيتزا ..
ممكن شوربه دياي .. حاولي تنوعين لها وخليها تجرب تاكل روحها حتى لو تخيس عمرها

ماقصرتوا فديتكم

بالضبط مثل ولدي سنة ونص ووزنه 7.900
وااااااايد ضعيف واكله مب وايد..
حتى الحليب مستحيل يحطه فحلجه بس اعتماده ع الحليب الطبيعي

مثل ما قالو البنات هيا كبرت على المهروس هيا الحين تحب تاكل نفس اكلكم جربي لها من اكلكم والخضار هما بعد يملون ويحبو اشياء غير الي اعتادوه من 6 شهور يعني سنة وهيا على نفس الحال

اعملي ماكرونات بالللحمة المفرومة عطيها طبق وافريشين لها في الارض وجلسيها وخليها تبدع وتشوفين ماشء الله بتخلصلك الطبق

ؤالله الأطفال الحين صعبين بنتي سنه و3 أشهر ومما تبغي شيء غير حليب ؤ شوربه. مع أن المفروض تآكل الحين من أكل العائله بس ما تحب أي شيء يابس شوي

تعبت ؤالله ما أعرف شو أسوي بها