شحالكن حلواتي .. ادري مدمنات الكوفي وايد بس شو نسوي مايتعدل المزاج الا فيه
وهاي صوره تحيه خاصه لمحبات ستاربكس
المهم المهم المهم
هالفتره ياامورات فتره تغير وتقلب الجو يعني عادي تمطر خفيف ويبرد الجو تلبسين جاكيت تحسين بحر 
والحمد لله هاي نعمه طبعا
بس لازم تنتبهين لبشرتج
بشرحلكم عن اللفت اب او الشد للبشره كماسك ممكن او كجلسه سريعه
هاي صوره الماسك من ماركه بليندا البولنديه
عباره عن علبتين ..دبتين بالعاميه
وتقدرين تحطين ماسك البيض مثلا
الخطوات
* جهزي ماي فاتر ..
*قطن مدور خاص للبشره ..
انتبهي من استعمال الكلينكس لانه يجرح بشرتج
*شموع بريحه حلوه عيشي جو الاسترخاء 
ونبدا
اولها ماء التونر وممكن تستغنين عنه بماي الورد اللي يساعد على ان البشره تفتح وتتهيئ لاستقبال الماسك
افردي ماي الورد على البشره كامل بالقطن المدور اتركيه من 10 الى 15 دقيقه
بعدها امسحيه بالاسفنج الخاص للبشره
ابداءي بفرد الماسك على البشره وترومين تسترخين على جو هادي بحيث ياخذ راحته الماسك بالبشره
عفكره البنت اللي تسوي الماسك وهي مخها شغال بالعيال او الطبيخ مابينفعها بالعكس تشد اعصابها ويتعبها
ريحي بالج واسترخي
وبعد ربع ساعه ارجعي سوي الماسك من جديد فوق الطبقه الاولى ..
بهالحاله بتحسين بشرتج تنشد
لاتسحبين الماسك من البشره
ابداي بالجبين او الجبهه وبللي القطن واضغطي على المنطقه .. بيرتخي الماسك شوي وبعدها اسحبي القطن بشكل دائري على البشره
وهكذا من منطقه الجبهه
الى منطقه الخدود
الى منطقه الشفايف
الى اسفل الذقن
بعد ماتتخلصين من كل الماسك من البشره ..
حطي الكريم الخاص ببشرتج سواء مريم نهار او البيس
هالخطوه قبل الميك اب يعطي البشره راحه اولا
وتوزيع الفاونديشن يكون اسهل عليج وطبعا الحلو انه بشرتج نظره وتكونين
غذيتيها بجلسه سريعه قبل الميك اب
والاحلى انه بعد ماتشيلين الميك اب مابتحسين بارهاق بشرتج
بالعكس بتلاقينها متفتحه …
ترومين تعيدينها اسبوعيا …
يارب تكونو استفدتو بالخطوه الحلو قبل الميك اب ..
واللي تمر على الموضوع لاتنساني بكلمه حلو ودعوه بالتوفيق
هالفيسات ورانا ورانا ههههههههه
.gif "13 (56)")
وكلج ذوق يا قلبووووو
يعني شو هو الماسك ؟ لأن مب مكتوب ؟
عقب ما نحط الماي الورد شو نسوي ؟
نبا ماسكات من عندج
ويسلموووو