هوُ و هيَ .. وبعدين ؟ عالم الامومة

السلالام عليكم
شحالكم خوٌاتي !؟

اليوم سمعت سالفَه عن وحده وزوجها من زميله لي فالجامعه ونحن نسولف ( للعلم انا مب متزوجه )
فقالتلي وحده من اهلهاا تقريبا متزوجّه من خمس سنوات او اكثر ومابينهم اعيّال
يحبها وتموت فيه وحياتهم حلُوه بوجود بعض
لكن دايما عايشين فمشاكل وعاادي تسبّه ويتضاربون وحالتهم حاله وتوصل مرات للطلاق او الهجر ! بس متمسكيين فبعض ماشالله تبارك الله
كيف ما اعرف !؟ انا احيد الي يحب شخص مستحيل يسبه صح ولا غلط ؟ او يرضى انه ينهان مثلا
النقطه الي صّدق استوقفتني ، وحيرتني كيف للحين حياتهم مستمره مع بعض اذا هم عايشينها فمشاكل وسب واهانات ؟
هل معقوله الرجل للحين متحمل هالاشيا ؟ او يرضى انه ينهان وينسب بسبات قويه ويسكت !!؟
ومايلجأ للخيانه لو حرمته ما اتغيّرت ويصبررر علييها ومتعلق فيها رغم عيوبها ومشاكلها ؟

وبرايكم وتتوقعون ، منو سبب المشاكل دايما الحرمه ولا الريال ؟
وبرايكم هالمشاكل لو استمرت بتأثر مستقبلا عليهم ؟
واذا باب المشاكل والسب انفتحوا بين الريال وحرمته تتوقعون ممكن ايي يوم ويتسكر ؟

اترك لكم المايك
واتمنى تدعولهم حبايبي بان الله ايسر امورهم ويخليهم لبعض ويصلح شأنهم البنت اعرفها شخصيا ومعرفه سطحيه بس ويانا جدا طيوبه !

احيانا السبات والاهانات تكون ف لحظة غضب الواحد مايقصدها .. ويمكن يرجع الشخص يعتذر ويقول انه مو قاصد .. يعني واحد منهم الزوج او الزوجه .. بس بشكل عام فعلن محد يرضى ينسب وينهان لكن ف النهايه عشرة العمر مستحيل تنهدم بمجرد سبة او اهانه اذا كانت بلحظة غضب .. الله يوفقهم ويصلح من بينهم .. ويرزقهم بالذريه الصالحه .. وعلى فكره ممكن عدم وجود عيال سبب من اسباب التوتر الي من بينهم ..

ماعرف بس انا اقوله حقير و انت ما تستحي .. و مو اكثر عن جي
بس سبب الي هو الالفاظ الشنيعه اتوقع لا ابدا لازم ما توصل لهالدرجه من القرف اعوذ بالله

و اتوقع المشاكل تكون بسبه اختلافات شخصيه او راي او تدخل حد من الاهل او مشكله الانجاب مادام ماعندها عيال

و عادي ترا الحب ضد الصدمات خخخخخخخخخخخ

صدقيني إذا شفتي الريال يتحمل السب و (ما عندهم عيال)
نسبة كبيرة أنه يكون في هو عيب أو مشكلة
و الشي الثاني لا تنغرون باللي يصير جدامكم ما تعرفون شو يصير بينهم
و أنا تأكدت من هالشي وايد ياما أزواج مبين جدام الناس أنهم كناري بس
مع بعضهم بينهم جليد

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

ربيعتج قالت عن ربيعتها يعني بطتنا بطت بطن بطتكم خخخخخخخخخخ

المشاكل موجودة في كل بيت
اذا نحن خوات لازم نتضارب مرة ف الاسبوع وين الزوج او الزوجة اللي مجابلين بعض
الحياة نقاش و اخذ و عطا و هذا قال و هاي قالت و انا …….الخ الحياة كلام ؟؟؟ بس الفعل شي ثاني تماما
المظهر شي و المضمون شي ثاني

بتجوفين اثنين يمكن ماخذين بعض عن حب 10 سنين و تستغربين شو سبب المشاكل منهم
انا استعجب الصراحة بس صدقيني ما تعرفين شو بينهم و شو مستوي و كل شخص يقول شي
يصطفلوا و يتضاربون و يدافنون و يستدون مع بعض
يمكن حبهم جي ضرابة فيهم دفاشة هههههههههههههه

اهم شي كل وحدة تكون مرتاحة وما يهمها مشاكل الناس لان تأثر عن نفسية الوحدة

ما في بيت يخلوا من المشاكل

ومرات الريال يسكت عن السب لانه عارف عمره شو مسوي

يمكن مسوي شي كبيييييييير في حقها و قاعد يحمد ربه ان يت على قد السب بس