هدية ريلي لي (هدية مانبي فيها جزيــــــــه ……على طول السنين المقبلاتــــــي) عالم الامومة

امس نزلت موضوع هني اني فرحانه وايد لانه كان شي امر وربنا فرجها علينا الحمدلله

خلاف الظهر تزاعلت ويا ريلي زعل دلع لانه كنت ابغي اسير العياده وهو قالي اجليها لوقت ثاني لانه عنده شغله ضروريه في بوظبي وصدق هالشي ضايقني وخلاني من الضيق ارقد من وقت ولا اترياه للعشاء
الفجر لما نشيت للصلاة كالعاده متعوده اوقف في الحوش لانه الجو يكون روووووعه واتم ادعي الله
بس هالمره انصدمت شفت شي زياده عن كل مره ؟؟؟ قلت يمكن حد في الميلس لاني في بيت الوالده هب في بيتي وطنشت سرت صليت ووعيت ريلي للصلاة وسرت المطبخ اجهزله الريوق وانا مبووزه هههههههههههههههههه
عقب ما تريق ريلي وتلبس على اساس يسير الدوام قالي : شو هالمره ما بتوصليني لين السياره ؟؟
لانه متعود امشي وياه لين يركب السياره
جان اقوله خل سيرة بوظبي تنفعك ههههههههههههههه جان يقولي بلا دلع يلا نشي ابا اعطيج شي في السياره
هني نقززززت عااااااااااااااد يا حبنا نحن الحريم للاشياااء والهدايااااااااااااااااا وربعت وراه لين السياره وركبت جان يطلع لي سواره وقالي هاتي ايدج البسج اياها

السواره من التلي وفيها حروفنا …انا سكتت ..جان يقولي ترى انا مسونها؟؟ سرت اشتريت الحروف والتلي وروحي ركبتهن لج ؟؟

والله يا بنااااااااات اني استااااااااااااانست من الخاطر حسيت انها اغلى هديه في حياتي لانها شغل ايديه وغير جي احسهاااا يايه من الخاطر …

خلاف جان يقولي والله بعوووضج كل شي وهذي البدايه
دمعـــــــــــــــن عيوووني وقلت له مابغي شي غير انك انته وعيالي تكونون بخير واهم شي انك تمشي في طريق الرحمن وما تخلي صلاتك وعباداتك هذا اكبر كنز وهديه لي ……..

قالي انزين مب زعلانه اني يبت لج بس هالسواره اللي يمكن قميتها 5 دراهم بس؟؟؟ ههههههههههههه فديته والله قلت له عندي تسوى عيووني بعد وغاااااااااااااااااااليه صدق……..

جان يقولي يلا عطيتج ويه زياده عن اللزوم حولي بسير الدوام …
يوم ييت بحول قبضني من ايدي قووووو وحط هالشي في ايدي

واناااا بين المحتاره والمصدومه مب عارفه شالسالفه؟؟؟؟؟؟؟؟؟؟؟؟

قالي قدرج اكبر عن جي بس هذا اللي اقدر عليه الحينه وقلت لج بعوووضج ؟؟
جان يقولي يلا ركبيني سيارتج وانا بعدني مب مستوووعبه ><
طبعا نزلت وسرت السياره

بغيت اساله كيف وليش ؟؟ قلت مب وقته خلاف من يرد الحينه ابا اتم في الاحساس اللي انا فيه
وركبت السياره جان يقولي تبين تسوقينها؟؟؟؟؟؟؟؟ قلت له بكيفك ؟؟ قال انتي شيخه والشيخات ما يسوقن ..الشيخات يسوقون بهن ..خلال يومين دريوليتج بتوصل وبتفكين اونه من حشرتيه يوم اوديج السوق هههههههههههههههههههههههههههه الله لا يحرمني منه

——————–

بنات انا ما نزلت الموضوع علشان البعض يقول تتخقق ولا تراوينا ولا مادري شو ؟لا بالعكس تراها الا سياره وماشاءالله شي منكن عندهن احلى وافخم منها

هدفي من الموضوع شي ثااااني

بنات اصبروا على رياييلكم لو شو ما صار خصوصا لو الريال فيه بذرة خير ..
انا عانيت ويا ريلي اكثر من 5 سنين سهر ومقاهي وبنات واهمال فظييييييييييييييييييييييييع
بس كنت ادري انه فيه بذرة خير …كنت واثقه انه مصيره بيعتدل…والحمدلله الحينه لا ربع ولا مقاهي ولا خرابيط ومواضب على دوامه وصلاته وصلة الرحم وعياله ……

الله سبحانه قال:ادعوني استجب لكم

وانا كنت ادعي ربي في كل صلاة انه يصلح حاله ويهديه فاكيييييد بيستجيب لي ولكن عاجلا او اجلا

لهالسبب الصبر يا بنات الصبر…..خصوصا اذا كان بينكم عيال ….

ادعولي يا بنات ربي يوفقنا ويهدي سرنا ويغفر لنا