اشحالكن خواتي ان شاء الله بخير
هذا اول موضوع لي بهالمدونة مع اني متابعه له من سنوات …
انا معرسه من سنه و3 شهور والين الحين ما حملت طبعا اكيد سرت وشيكت بعمري خصوصا بعد ما زادت الاضظرابات والافرازات اللي
بلون قوس قزح 
قررت افحص من الشهر ال 6 من الزواج وطلع عندي تكيس بالمبايض وصغر حجم البويضات وطبعا خويتكم
زايد وزنها وبتصك ال 100 سبحان الله مغير الاحوال من 60 الى 100 خلال سنه وشي 
يحليلهم اهلنا حابسين وحوش ..
الموهيم .. تعنيت وايد بالله بهالادويه والمنشطات والعلاجات من دكتوره لدكتوره صدق الواحد يتعب نفسيا … يعني بصراحه تحسين مدري كيف كلج كيماويات 
خصوصا لما يطيح شعرج ويخف وتشعرين وتستوين شرات الغوريلا 
اكيد الاعراض تختلف من وحده لوحده … وريلي طلع عنده ضعف
بالحركه الله كريم والله الرازق … المشكله نفسيا لما يبدأون ربيعاتج وهلج وهله يتكلمون وتحسين العالم كلها تخاف من عينج 
ويخشون
قريباتج وربيعاتج عنج اذا وحده فيهن حملت ويمكن ها انتي وحظج يخبرونج عالشهر الرابع او يوم يربن 
من مبدا انج متاخره وتخاف
تصكينها بعين وما يثبت حملها 
المشكله تكون معلمه الفريج كله بس سبحان الله والله يعين والله الواحد يتمنى الخير لناس قبل نفسه بس
اوقات احس الناس ما يقدرون ويقسون علينا ويزيدون علينا خصوصا انه نفسيا تكون مشاعرنا متضاربه احساس بالحرمان مع احساسج بالتقصير
مع زوجج وغير عاد لما يكون ريلج خاطره ب بيبي هني عاد تستوي المأساه صح وونتم نبحلق بويههم ع كل صغيره وكبيره وندور
ع لمحه حزن لما يشوف اطفال او يلاعب عيال اهله وخصوصا لما يكون التأخير بأول طفل يا ويلي ويلاه هني عاد تحسين عمرج ما ادري كيف 
…
كل ليله قضيناها ببكاء والم بصمت وونيلس نتريا هالدوره تتاخر كمن يوم عسب نركض نيب فحص الحمل او اذا مصخناها نروح نسوي فحص
الدم هو شعور صعب جدا بس سبحان الله والحمدلله لكل شي بهالدنيا حكمه الواحد ما يقدر يسوي شي غير العمل بالاسباب والتوكل عالله … و شو نسوي عاد اذا البيبي يتغلى وايد ويتدلع 
الحين نوصل للخلاصه … كل وحده فينا تحاول اوقات انها هي تكون الياهل والطفله لنفسها وزوجها… لبعض المتأخرات حاولن تطلعن
من جو الحزن والضيقه لانه والله التفكير بشكل ايجابي والطاقه الايجابيه تنفعج انج تستمرين بالعلاج سواء لج او لزوجج وتحسين بالامل والراحه النفسيه والسعاده…
والله يرزق كل متأخره بالذريه الصالحه ان شاء الله ويقر عينها ويعينها عالحمل والتربيه الصالحه ويرزقها من حيث لا تحتسب
وان شاء الله يا رب كل متأخره وكل وحده بخاطرها بيبي الله يرزقها بتوام ونشوفها بقسم اليهال تتشكي من البامبرز والصياح واللبس هذا حالنا اذا ما يانا الشي بغيناه واذا ياه قمنا نتشكي ….
يالله دعواتكم لي ان الله يرزقني واياكن حبيباتي وان شاء الله اللي الله كاتبنه بيصير محد بيأخذ اكثر من رزقه 
واللي عندها خلطات طبيعيه او نصايح تسدحها هني عشان نستفيد خصوصا لموضوع التكيس او ضعف الحركه
المشاركة الأصلية كتبت بواسطة كتكوتة حبيبي 
ويرزقج عزيزتي ويرزق جميع المتاخرات يارب
اسأل الله العظيم القادر على كل شي ان يرزقج الحمل عاجلا غير اجل يارب وتفرحين انت وزوجج وترتاحين امييييييييييييين يارب
الحمد لله على كل حال 
انا بديت اطلع الحمل من بالي شوي شوي صح انه على بالي لكن خلاص تعبت ابي ارتاح واضعف
(يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لا يُضِيعُ أَجْرَ الْمُؤْمِنِينَ ) صدق الله العظيم