نزول مادة مخاطيه مخلوطه بالدم……هل معناه ان ولادتي جريبه؟؟؟؟؟ لصحتك

أنا بكريه وهذا أول حمل حقي ويوم الخميس خلصت الشهر الثامن ودخلت التاسع بس أنا صار لي اسبوع وأنا حاسه بآلآم في أسفل البطن مثل الدوره بالضبط والألم بعد يكون في ظهري يروح ويرجع بس على خفيف بس قبل ساعه تقريبا سرت وانتوا بكرامه الحمام على أساس اني أحس ان فيني كمية كبيره من البول ولازم تطلع بس أول ما قعدت طلعت لي مادة عفوا على التشبيه بس تشبه المخاط وايد ولونها أبيض وفيها مثل خيوط من الدم…….
الغريبه ان ما فيني عوار ولا شي وهذي القطعه اللي نزلت خوفتني وايد سألت ربيعتي اللي سبق لها الحمل والولاده قالت لي هذي تنزل قبل الولاده بجم ساعه صح هذا الكلام أو شو؟؟؟

أنا ما فيني طلق وما أحس بشي غير آلام أسف البطن وبس بس ياليت تجاوبوني خواتي عشاني خايفه وما أدري شو أسوي الحين شو تنصحوني أشرب …أمشي عادي أو أتم قاعده أو أسير المستشفى؟؟؟

الله يسهل عليج اختي

حبيبتي هذا معناه ان سدادة الرحم نزلت عندج ومعناته ولاده ان شاء الله

اذا زاد عليج الويع سيري المستشفى

ان شاء الله اليوم ولا باجر بيشرف البيبي

الله يقومج بالسلامه ويسهل عليج

ما عندي فكره

والله يسهل عليج

اختي قريبتي نزل عليها شرات مانزل عليج وولدت ثاني يوم فجاءه جاها الطلق

انتي رقابي عمرج هالليله وبس تحسين ويع اللي يكون شرات ويع دوره يروح ويرجع اعرفي انه طلق بس ع خفيف

سيري مستشفى ع طول

والله يسهل عليج وتقومين بالسلامه انتي والبيبي يارب

مثل ما قالوا لج الخواات هاي السدادة اللي تسكر عنق الرحم ..
ومعناته ولادتج جريبه باذن الله ,,

الله يسهل عليج وعلى كل حاامل يارب ..

سيري المستشفي