نزلت ورديت زدت نفسيتي تعباااانه واايد سلامة الحمل

فالج طيب

رديلهم قبل ما يزيد وزنج اكثر اهم شي تستمرين وما تيئسين

الله يوفقج وتوصلين للرشاقة بصحه و عافية

؛؛

هلا الغالية حياج الله..

لا تتعب نفسيتج ولا شي..

أهم شي النفسية الحلوة و المعنويات العالية..

أنا كان وزني 83 و سرت عند نيوترشن ووصلت للـ 63 ماشاء الله خلال سبع شهور..

و عقب الوناسة رديت ألعب و ما أهتم بالوزن نهائيا لين مازاد وزني عشر كيلوات تخيلي..

الحين وزني 73 بالضبط..

صح هالشي مظايجني لكن الحمدلله متفائلة وواثقة اني بإذن الله بنزل لين الستين مب بس 63

لا و بعد بدون نيوترشن هالمرة ان شاء الله..

لا تفكرين في الأيام اللي فاتت و خبصتي فيها..

ولا تفكرين في طول المسافة لتحقيق الهدف..

فكري في كل يوم بروحه و حاولي تستمعين فيه بدون تفكير سلبي..

يعني يا عزيزتي كل يوم كلي أكل متوازن و متنظم و سوي رياضة..

ابتعدي عن النشويات و الكربوهيدرات و قللي منها مثل العيش و الخبز و المعكرونة..

زيدي بالبروتينات مثل الدياي و السمج و اللحم..

امشي ربع ساعة أو نص ساعة لو في حجرة نومج..

تخيلي أنا كنت أمشي نص ساعة يوميا في حجرتي بدون جهاز تصدقين..

بس ساير راد على عرض الحجرة..

خلج متفائلة و لا تهملين نفسج لان وزنج زاد بالعكس تعدلي و البسي اللي في خاطرج..

وبالتدريج بينزل وزنج بدون ما تكتئبين و تتعب نفسيتج..

وبدون ما اتضيعين أيامج في الظيج و الحزن على شي استوى و خلاص (( زيادة الوزن ))

حاولي تشتركين في جروب من الجروبات اللي مسوينها البنات في هالقسم وان شاء الله بتتحمسين…

ربي ييسرلج و يوفقج و توصلين للوزن اللي تبينه جرييييييب

وأريد أنزل يالله نسوي قروب أنا وأنتي (ودلع 2024 ) شرايج ونشجع بعض ودي والله أنزل وايد