من تعرف كيف ينشوي السمك بالفرن؟ للمطلقة

حبيباتي ينات سيدات الامارات
لاتخذلوني ، صراحه انا في ورطة برغم انه والدي هاوي صيد سمك وزوجي نفسه، إلا اني مااعرف اطبخ السمك بالشكل الصحيح من كلام زوجي …
حاولت وايد بس زوجي يريد اشوي السمك بالفرن ، ولين اللحين انا ماوصلت للطعم اللي يريده زوجي ،،فمنو منكم تقدر تساعديني وتعطيني وصفات صحيحه لشوي السمك بالفرن وحتي لقلي السمك عشان يستانس عليَ زوجي

شوفي يا ام مهره اولا السمج المشوي نظفي السمجه من الداخل واحشيها بصل وكزبره خضراء وثوم وملح وليمون وفلفل اسود وبعدين دهني السمجه من الخارج بالملح وشويه زيت وخليها في الصينيه وغطيها بالالمنيوم وخليها تتبل وبعدين خليها في الفرن وقبل لاتنضج بشوي شلي الالمونيوم وخليها تنشف وتتحمر
ثانيا : المقلي هاتي السمج بعد التنظيف ودهنيها بالبزار والفلفل والكركم والملح والثوم الليمون وخليها تتبل شوي وبعدين اقليها بالزيت وبسسسسسسسسسسسسسسسسسسسسسسسس
وهاي الطريقه التقليديه للسمج وبالعافيه عليكم

مثل ماقالت بشاير العين لكن نحن انسويه بدون ثوم لأني مااااحبه أبدا أبدا
بس اضافة بسيطة للمشوي نحن ندهنه مثل ماقالت بشاير العين ونصب عليه أيضا صلصة تمر هندي

نفس طريقة بشاير

بس انا اكثر شي اشويه على الفحم لانه زوجي مايحبه بالفرن

صراحه ماقصرتن وصدق انكن بنات زايد ..الله يرحمه..
وبالصدق اني فرحت يوم شفت ردودكم وتم الحفظ للتنفيذ خلال هذا الاسبوع

بما اني ولا مره طبخت سمك بالفرن والا بغير الفرن بتفلسف عليج شوي وبخبرج طريقة أمي خخخخخخخخ

اللي شفته انهن ينظفون السمج زين وعقب يدهنونه بالملح والبهارات ويعصرون عليه ليمون
عقب تييب الصينية وتحط عليها شرائح طماط خفيفة وبصل وترص السمج فوقه وتغلف الصينية بالألمنيوم
وعقب تشل الأمنيوم وتخلي الصينية تقريبا عشر دقايق بالفرن وعقب خلاااااااااااااااااص

تنتقل من الفرن إلى السفرة ومن السفرة إلى بطونا يم يم خخخخخخخخخخخخخ

نفس طريقة بشاير
او انج ماتنظفينها عادي ملحيها وحطيها في الفرن