من تصاميمي للشيل والعبي ^__^

بسم الله الرحمن الرحيم

خواتي الغاليات

شحالكن ربكن الا بخير وسهاله ؟؟

اليوم حبيت اعرض لكن مجموعة من أطقم العبي والشيل اللي سويتهن من فتره

وانا للأسف ما احتفظ بصور تصاميمي بعد التطبيق لانه الموجود عندي عالورق

واللي اسويه لبعض الزبونات يتم حصري لهن وما يتقلد ولا يتكرر الا برضاها
مع انه كان ودي اعرض مجموعه يمكن تفيد المقبلات عالزواج

ولهالسبب اخترت مجموعه بسيطه قلت براويكن اياهن ^_____^

————————————————————————-

اول شي على الرابط اللي موجود هنه بتحصلن اطقم عبي وشيل

بس هذيل تركيب .. يعني اييب قطع جاهزه واركب نقشتهن عالعبي وانا عني

هالنوعيه تعيبني لانه اتم مميزه يعني الموجودين عندهم نفس النقشه تكون يا

اما على فستان او مخروه او او او ,,, الخ

وهذا الرابط

https://www.4shared.com/file/31012853…ified=c1d58fb5

—————————————————————

الطقم (1)

اطراف شامواه ( مخمل) مع وردتين وحده عند الصدر والثانيه اسفل العباه بجهتين متعاكستين

وعليهم مجموعه من الكرستالات

وما يحتاي اوصف وايد الديزاين جدامكن بأكثر من صوره ..