ملقوفات ..مخطوبات ..مالجات ..ومعرسات تعالو جاوبوني …
الكــل معزوم اليوم ف موضوعي الي اخاااف ينحذف بس انا صــــــــــــــــــــــدق محتاجه رأيـــــــــــــكم لانه بالنسبه لــــــــــي بدأ يأثــر على علاقــــــــتي بالناس الي دايما تثير هل المواضيع ( العلاقة الجنسيه ) ….
حبوبات انا ما بتعمق ابد في هل الموضوع …
بس لكل ملقوووووووفه ….لكل بنت …لكـــــــل حرمه …جاوبوني ….اكيد كل وحده سواء متزوجه او لا …تعرف امور سطحيه وانا ما بذكر اي امــور تخدش الحياء …لكن شو ممكن يصير لج لو سمعتي هل الامور بشكل يومي ومستمره وبزياده ( انتي بنت ) وبتعمق يرمسونج بها بدون هدف وبدون ما انتي تطلبين هل الشي منهن وطبعا انتي بنت صح فعمر الزواج بس مب مخطوبه …والحريم من سبق لهن الزواج انا فعمري وحياتي ما سمعت سوالفهن بخصوص هل الموضوع ..فما باالكم ببنات ابد مب متزوجات وعندهن خبره بهل الشي واكثر بعد …؟
الي ابا اوصل له …انا اعاااااااااااااااني …من مجموعه معينه من البنات يرمسن عن هل الشي بزياده جدامي ..مع العلم حد متزوج وحد لا …والمتزوجات ما يتكلمن بصراحه عشان ما اظلمهن …
وانا وجهة نظري الي تبا تثقف نفسها بروحها بتقرأ وبتسأل بطريقتها الخاصه …
ومب عيب ولا غلط …لكن الي انا اشوفه غلط …سوالفهن عن هل المووضوع …بزياده ..
وانا مربايه ع غض البصر ..وهل الامور فحياتي ما سمعتها طول عمري بين ربيعاتي وهلي واقرب الناس لي …عشان جي مب مستحمله …يوم ارد عليهن او اطنش او اتفاداهن …اونه طاعو هاااي يردن علي بطريقه يحسسني اني بعدني ياااااهل او اذا عرست بكون انسانه فااشله من هل الناحية …الي هيه بالنسبه لهم في المرتبه الاولــــــــى …
كيــــــف اتفاداهم …
بدون ما اجرحهم …
ولا اثير اي مشاااكل …
لا تقولون لي واجهي …
انا اروم اواجهه بس ما ابا لانه بستوي 1 ضد الجميع …حتى المعرسات ما بيدافعن عني …
وبعد ابا احذفهم من عندي من اللسته بس ما اقدر …
help me please
ولا تحذفون موضوعي الله يخليكم انا ابا المساعده ولا قصدت افتح موضوع خادش للحياء كل قصدي عندي مشكله ويا فئه من البناااات ابا لها حل …
انتي بادري بنشر مواصفات المؤمنات الصالحات وماهي أوصافهن
انتي بادري بالادعيه الجميله التي توصف لهم صفات النبي عليه الصلاة والسلام
قوليلهم بدون تجريح بطريقه لبقه انك تنفرين من هالمواضيع
موعيب انج تخبرينهم العيب انج تخافين على مشاعرهم وهم في خطأ
الله يوفقج اختي الغاليه
up
up
هم يسوونها بنية السوالف وغيره .. مب قصدهم شي .. بس بعد من حقج انج تنفرين من هالسوالف ..
اذا هم يطرشون لج هالسوالف برودكاستات .. قوليلهم .. انا لا تطرشون لي..
واللي تعاند وتتم تطرش .. قوليلها سمحيلي حبيبتي .. انا قلت لج ماقدر استقبل هالسوالف .. وحذفيها .. وبرايها .. تراج ان حذفتيها ما بتقطعين علاقتج فيها … بتتم بينكم التلفونات .. واذا هي من الاهل بتتم بينكم الزيارات ..
واذا كنتي في جروب وياهم طلعي من الجروب .. صدقيني محد بيزعل .. هاي حرية شخصية ..
واذا حزتها شافوج معقدة او اي شي .. باجر بتفرضين شخصيتج عليهم .. وبيحترمون قراراتج …