خواتي الحبيبات بغيت اسألكن شو تنصحون العروس تلبس يوم صباحيتها جدام اهلها واهل ريلها؟؟؟
فساتين بسيطه ولا مغربيات ولا شو؟؟؟؟
ربيعتي عرسها جريب ومتوهقه ما تعرف شو تسوي وشو احسن المحلات
ولو المفروض تلبس فستان وين تقدر اتسويه وكيف يكون موديله بسيط ولا ربشه وشو احسن المحلات الموجوده فدبي؟؟
وتسلموووووووووون ع المرور
دمتن بــــود
بس بعد الفستان وايد حلو .. حق الصباحيه …
وكنت اجول في الفنادق لمدة 3 ايام
وعقبها رحت بيت اهل ريلي ..وفي الصباحيه عندهم لبست مخور
بس ولا أحلى مخووور…..مسوتنها مختلفة عن الغير كلها فصوص اصليه وموديلها واااايد حلووو
والله ريلي تخبببببببببل عليه هذاج اليوم لأنه اول مرة يشوفني بمخور بهالطريقة …،،ولبست الذهب وحطيت دهن العود الغاوي…..،،، وتغيير شكلي نهائيا لأني مش متعودة
وعن نفسي والله انصح البنيه تلبس مخور….أهل الريل يحسون بحلاة المخور أكثر
ويبين اللبس وطنية البنيه و رزانتها…،، وفخامتها….وحلاتها..
والسمووووووووحه
قبل كل شي مبرووووووك لربيعتج والله يوفقها في حياتها الجديده
و بالنسبه لموضوع لبس الصباحيه فهو يختلف من عيله لعيله ويعتمد وايد على جو الصباحيه نفسها…..كيف؟
اذا كانت في جو عائلي كبير يفضل تلبس فستان شغله خفيف بس الوانه صباحيه زاهيه ويبرزها بطريقه حلوه وترى يحكموووون على ذوق العروس من خلاله طبعا مع مكياج صباحي هادي بس يبرز جمال العروس واذا كانت العروس مليانه وايد احسن تلبس مغربيه و بعد تراعي الوانها و ما تنسى الاكسوارات او الذهب او الالماس حسب ذوقها
ولاحظي كل ما كان الجو العائي اضيق كل ما كان احسن لانها تقدر تلفت انباه الي حواليها وبالتوفييييييييييييييق