بغيت اسماء مطاعم حلوة هناك…مثل المطاعم الشعبية وجي..تنفع لعوايل وبنات
ومطعم الصحاري متخصص بالمشاوي والحمص مالهم رووعه
مطعم قيصر مطعم هندي
تاج سبايس للاماكولات الحاااره
ومطعم كلاسيك بوفيه
وان شاء الله اكون افدتج
نسيت اسمه بس البنات منزلين مواضيع عنه
راك دريم أو شيء جي
اول ما تدخلين راس الخيمة… عندج مول الحمراء وفيه مطاعم بس الاغلب فاست فود…
عندج مطاعم في الكوف روتانا وايدين مدحوه بس انا ما رحتلها بعدني….
جدام شوي في كنتاكي وبيتزا هت….
واذا لفيتي يمين من عند كنتاكي بتلاقين مركز السفير وفيه مطاعم بعد في في الدور الاول والدور الثاني…وحذاله في المطعم الهندي تاج سبايس ومجابلنه مطعم رستم الايراني…
واذا سرتي سيده بعد كنتاكي في مطعم مدفون السده… طبعا فيه المندي والمظبي والمدفون وووووووو… ويلسته حلوه….
وجدام في مطعم البوم مطعم ايراني…. في جلو كباب حلو…
وجدام بعد دوار الساعة في مطعم ملك الدجاج… مطعم حلو وفيه كابينات… وجدام في شويه مطاعم عادية وبعدين جدام في بيتزا ان….
سيري سيده ويوتيرن من عند الدوار اللي فيه السفينه بتلاقين مجموعه مطاعم عادية… وبعدهم في مطعم لبناني اسمه الصحاري…. وجدام بعد في مطعم كلاسيك مول مب شئ.. لا تروحين….
واذا لفيتي يمين من عند البيتزا بتتطلعين على الكورنيش… في مجموعة مطاعم حلوه… منها القيصر والراك فيو…
واذا من عند دوار الساعة خذتي يمين بتشوفين مطعم الفاين فود بس مو حلو… وفي مطعم راس الخيمة فيه مطاعم مدحوها ربعي بس انا ما رحتها… جدام في دوار صغير… اذا خذتي يمين وسرتي سيده بتلاقين في الدوار مطعم الشوكة الذهبية يمي يمي لاني وايد احب السي فود… ويمين الدوار في مطعم علي باب … للمشاوي على كيفج.. اطلبي الريش والعرايس رووووعة….
وطبعاً عندج مركز المنار وفيه وايد مطاعم.. مثل شيليز.. والباستمانيا بالاضافة للفود كورت….
والمنطقة اللي حواليها وجدام في شويه مطاعم متنوعة…
اعتقد جذي خلصوا كل المطاعم اللي في راس الخيمة.. وان شاء الله ما اكون نسيت شئ….خخخخخخخخخخخخ