( مشرووباتكم المفضله) ،، كل وحده إتحط طريقتها :: حيـــــاكم ^_×

شو راايكم كل وحده إتحط المشروووب المفضل مع طريقة إعداده ^__^ ..

أنا ببدأ بطريقتي في شاي حليب " الكــرك " ..

أول شيء أجهز الماي الحار ( مقدار دله ) ,,,
3 ملاعق أكل شاي خشن .. موب أكياس .
1 ملعقة صغيرة شاي ريد ليبل .
سكـــر 5 ملاعق طعام
رشة صغيرة من الهال … ورشة زنجبيل بودر.
1 علبة حليب .

الطريقة :

أحرق الشكر شويه وأضيف الشاهي والهال والزنجبيل وأخلطه بسرعه عسب ما يحترق ..

أضيف الماي )( إنتبهي في هاي الخطوة عسب ماينطش عليج ()( أغطيه أخليه يفور مدة عشر دقايق )(( هالخطوه سر نجاح الكرك ()() ..

أصب الحليب في الدله وأصفي الشاي في الدله … وبالعافية .

وبس .

اللي عندها وصفات ثانيةمثل النسكافيه وغيره ياليت إتشاركني في هالموضوع ،، ومشكووورين ..

المشاركة الأصلية كتبت بواسطة bnt alflahi

3اكواب حليب وفنجان سكر واذوب النشا واحمص السمسم يطلعلج سحاب لذيذ ممكن اتضيفين على الوش الكوب مكسرات او ناريل

مشكورة إختي ع الوصفه إن شاء الله بجربها .تسلميييين على المرور ….

حليب على قد الدلة ( بكيفج تبينه طاازج او نيدو)
وزيدين عليه سكر
وشوي زعتر تغسلينه وهو في المشخلة ..لاا تكثرين عشاان ماا يمرر…

وتخلينه يثوور وبعدين تقصرين على الضوء وتخلينه يطبخ شوي

وبس صبيه في الدلة وطبعاً تشخلينه وبالعاااااااااااااااافية…

مشكوورررره على الموضوع

شااي مغربي
دووم اسويه
يعيبه ريلي واااايد
حق الغازات والبرد اوكي يدفييج
وبعد الدعايه
هاي هي الطريقه**:12 (11):
اتيبين غوري الاستيل اللي اتسخني الماي فيه على الغاز
اولا المكونات
شاي اخضر الاوراق مب اكياس
نعناع فرش كميه وفيره تقريبا نصف الرزمه
زعتر بري الفرش الاوراق اتحصلينه في الجمعيات بجنب الخضار الفرش-ربع رزمه تقريبا المهم اقل من كمية النعناعالطريقه**
تغسلين النعناع والزعتر زين ما زين
واتحطينه في الغوري واتحطين عليه الشاي الاخضر تقربا ملعقه ونص الى ملعقتين اكل
واتضيفين عليه الماي المغلي سابقا
حوسيه شوي
وبندي الغطا وخليه 5 د
وبعدين صبي في القلاص وضيفي الشكر حسب الرغبه
وشربيه وادعيلي بالهنا والشفا

المقادير :

8ملاعق آيسكريم بالفانيليا
4/3 كوب حليب "شبة مثلج"
قليل من المكسرات عين الجمل مجروش أو اى نوع أخر
مقدار من التوفي

الطريقة :

يخلط الايسكريم بالحليب بواسطة الخفاقة اليدوية (خلط خفيف)حتى يمتزج ثم يضاف إلية المكسرات و3 ملاعق من التوفي .
يصب في كاس التقديم قليل من التوفي في القاع والجداران حتى تلتصق به ثم يصب الخليط السابق ويزين بالتوفي والمكسرات.

=========================

طريقة عمل التوفي :

المقادير :
(أ)
1 كاس سكر
4/1 أصبع زبده

(ب)

ملعقة قشطه

1 ملعقة صغير من خليط (قرفة + نسكويك + سكر)

الطريقة:

نضع المقادير (أ) على النار حتى يذوب السكر ويشقر لونه ثم يرفع من النار وبسرعة يضاف إلية المقادير (ب) بعد مزجها جيداً وتخلط حتى تمتزج ثم تعاد إلى النار مرة اخرى "نار خفيفة" مع التحريك باستمرار حتى تتجانس وتذوب تماماً مع الحذر من احتراقه أو ان يغمق لونه ..