تعالوا بخبركم سالفة ريلي و محتاجه أسمع رأيكم
طبعا بعطيكم مقدمه بسيطه عن تفكير ريلي وطبعه
الله يسلمكن ريلي انسان عنيد وشكاك و قبل كم سنه حصل عندي رساله مطرشتنها لزميل ويايه فالدوام و طلقني ولا يسير بالكم بعيد رساله مال الجمعه
وعقبها ردينا لبعض عقب ماكملنا فتره طويله مطلقين وطبعا أنا اعترفت إني غلطت وطلعت من الدوام و حلفتله غ المصحف انه مابينا شيء مجرد زميل يعرف رقمي للشغل وطرش رساله وخلاص
ومن يومها كل أسبوع لازم أسمع منه
أم الريـــــاييل
الزبــــــــــاله
قـــــــــ
ظـــــــ
ومنعا للاحراج ما بكمل لأنه هالانسان سوقي يقولي كلام فظيع
ياليتني مارديتله لأنه شفت الظلم أنواع وأشكال
عرفت معنى الذل والمذلة
احتقــــــــار فظيع
كل يوم يقولي انتي و الخدامه واحد بس هيه إشرف عنج
تحملت و يالسه اتحمل أقول فتره و بتعدي بس السالفه كملت سنين ومب قادرة تعدي
عندي 5 أطفال صعبه اشتتهم بالطلاق
شو الحل وياه ماتمت طريقه إلا و اتبعتها محرومه من كل شيء من الكلام الحلو من الطلعات من السفر ومن السوق من أهلي و من صديقاتي ومن الدنيا كلها
علما بأن زوجي يصلي وماعنده سؤالف بنات بس الشك ذابحنه
وذابـــــــــحني
اول شي الله يعينج ويصبرج عليه ماا اعرف كيف مستحملتنه.. انا مب معرسه بس ربيعتي نفس حاالتج واللي صار انه الاثنين اتفقوا انهم يتمون ويا بعض عسب العيال.. هو في صوب وهيه لاهيه فدوامها وتربية عياالها..
ان شاءالله المعرسات ما بقصرن ويااج.. الله يهديه ويسخره لج..
نحن الحريم سهل ننسى و نسامح سوالف الرياييل و خياناتهم لكن هم مستحيل ينسون غلطة بسيطة ممكن تعدي في حياتنا
انا اقول بعد اصبري و استحملي .. مادري ليش عندي احساس ان ريلج انسان طيب و يحبج وايد .. لكنه مب قادر ينسى الموقف القبلاني مع انه عادي .. لكنه مب هاين عليه ينساه .. هو يترياج انتي تثبتين له حبج له و حالولي بقدر الامكان انج تسترجعين ثقته فيج .. خليج في البيت فترة لا تطلعين و اهتمي في عمرج و في بيتج و سويله اجواء حلوة في البيت و طرشيله مسجات بين فترة و فترة قوليله انج تحبينه و ان هو ابو عيالج و ان محد في الدنيا بيملى عينج غيره و من هالكلام .. و على طاري لكلام السوقي اللي يتلفظ به فهو اكيد من ورة قلبهو ما يقصده مول .. بس هو مجروح لازم تعذرينه
و في النهاية ادعيلج الله يسر امورج و تصفى حياتج وي ريلج ان شاء الله
الله يعينج ..~
الله يهديه
ويهدي شبابنا جميعا ياااااااااارب
اتقوا الله في انفسكم وفي زوجاتكم ..
المشاركة الأصلية كتبت بواسطة ماحد شراتي 
اول شي الله يعينج ويصبرج عليه ماا اعرف كيف مستحملتنه.. انا مب معرسه بس ربيعتي نفس حاالتج واللي صار انه الاثنين اتفقوا انهم يتمون ويا بعض عسب العيال.. هو في صوب وهيه لاهيه فدوامها وتربية عياالها..
ان شاءالله المعرسات ما بقصرن ويااج.. الله يهديه ويسخره لج..