مريت على كثير من المواضيع اللي تشتكي من معاملة المستشفيات .. وغيرهم اللي يشكرون علىيهم ..
احترت بينهم
أنا في أبوظبي .. وتوني حامل .. مع اني عندي 4 الله يحفظهم من كل شر
وأصغر وحده عمرها 7 سنوات ..
يعني طولت عن الحمال .. وكنت قبل أراجع في مستشفى الكورنيش .. قبل ها الخربطه الي مستويه فيه
الحين يقولون والله عيادات الفي اي بي vip ما يراجعون فيها الا الدبلماسيين ..!!!!!!!
والباقي يراجعون في العيادات الخارجيه ..!!
بالله عليكم هذا كلام . أنا ما أقلل من قدر العيادات الخارجيه بالعكس
اهتمامهم أكثر من العيادات الفي اي بي .. لكن أنا انتقد وضعنا كمواطنات .. بين الزحمه والخلط في باقي الجنسيات .. وما أقصد التفرقه بين الاجناس ..! لا بالعكس
لكن والله لو تشوفن الازعاج والروائح ومن كل جنسيه وجنسيه .. من هنديه وباكستانيه .. وفلبينيه .. وأجنبيه وروسيات وغيرهن غيرهن ..
تتخيلين كيف بيكون الوضع .. لا وان ييتوا للحمامات عزكن الله ..؟؟!!!!!
والله اني أفكر أراجع في عياده خاصه .. وأربي بعد في عياده خاصه ..
ولا ها الذل اللي ذالين فيه المواطن في بلاده ..
على الاقل يسوون عيادات للمواطنات .. !
لا وبفلوسنا بعد لا يخافون ما نبا منهم شي هم جذيه والا جذيه ما خذين فلوس ..!
والله الوحده تراجع بكرامتها ولا ها المسخره ..
والمشكله انهم يخلون الوحده تضطر انها تدز ها الدكتورات بالفلوس على شان العياده الخاصه ..
والله أعرف وايد حريم مسوين علاقات مع الدكتورات ودز من ها الهدايا والفلوس على شان تمشي نفسها ..!
هذا كله ليش؟؟
ونحنا كل شي يامرون فيه نمشيه لهم .. ونرضى بالامر الواقع ..!
لكن ما أتصور نفسي اراجع في هذاك المكان ..!
أكرم لي اروح عياده خاصه
بولادتي ببنتي ما عطوني غرفة خاصة لاني مش مواطنة .. صحيح انا مش مواطنة بس انا متدينة ومتحجبة .. والبهدلة كلها ان اللي معي بالغرفة هندية وما بقي حد ما زارها والله احراااااااج ..
وانا توني مربية وما اقدر ارضع بنتي ولا ادش الحمام عشان ان في قبيلة كاملة جاية تزورها … والله بقيت من الصبح لين الساعة 11 فاليل حتى دشيت الحمام والمشكلة ان الحمام مشترك معها مع الزوار … تصوري !!!!!!!
وانا جاتني التهابات قوية بعد ولادتي وبقيت اربع شهور اتألم ومكان الخياطة يعورني مع اني مربية طبيعي .. وريلي قال كله من استعمال حمامهم المقرف هاذا …
صحيح اموركم سيئة بس نحنا امورنا اسوء بكثيييييييييييييييير ….
وريلي حلف يمين لو الولادة بدها تكلفني 100 الف درهم ما يوديني الكورنيش مرة ثانية ….
حتى المواعيد تعبانه … تخيلي والله موعدي 12 دخلوني 3 ليش .. اونه ماشي الا دكتورتين … واخر شي والله العظيم ما اكمل 5 او 10 دقايق عند الدكتورة … لا وكانت فاتحه ملف وحده ثانيه وتكتب فيه
واذا شكيت لها من ويع فريولي ولا بطني على طول الجواب زاهب .. "هذا طبيعي فالحمل" ….
انزين درينا انه طبيعي بس قوليه وانتي عالاقل اشوفيني حطي عينج بعيني .. لان تقول هالرمسه وهي يالسه تكتب الله يعلم شوه … وادقدق عالكمبيوتر … بغيت انفجر هاك اليوم والله … بس ما ادري شو اللي صبرني … وسكت وخذت قشي وطلعت وقلت مره ثانيه مابدشه الا اذا سبحان الله كان نصيبي اربي هناك ….
مع اني ناويه عالرحبه بس يمدحون الكورنش مع ان الاسلوب زفت لكن الاجهزة والخبره كلها متوفره عندهم … شو نسوي بعد
تخيلي حتى المستشفيات الخاصه لو ربيتي وصار لج شيء وللبيبي سيده يحجزون سياره
ويوودوونج الكورنيش
وهذا كلام استشاريه من مستشفى النور يعني لو سمح الله صار شيء لازم يودونج
عزيزتي هم اخبر في كل شيء يعني تمر عليهم حالات ليش اجازف في طفلي
وكيف اضمن لو نقلوه مايصير له شيء في الدرب
حرمت اخووي طوول الاشهر كانت في الخاص وسبحان الله من سمعت كلام الدكتوره
فتحت في الحكومه وربت ..
انتي استخيري وتوكلي ع ربج لان ربج مابيضيعج
ومستشفى الخاص الحين اخس من الحكوومه لو تسيرين تشوفين 
والسموحه
أنا فتحت هناك لأن الدكتورة في الخاص اقترحت هالشيء..عشان لا سمح الله لو ربيت قبل التاسع يكون ملفي عندهم في الكورنيش من قبل..