هلاا حبيباااتي شحااالكم .. ان شا الله بخيير وعاافيه …
عاد يقووولكم الباارحه دق فرااسي ادخل المطبخ واسووي مسالا دياي وهي نوع من انوااع الصوالين الهنديه ..
عاااد صووورت لكم الاكله بالخطوااات وقلت افييدكم وياايه ..
بس الله نبدأ :
المقادير :
ديايه كامله .. مسلوقه ومقطعه .. يفضل تقطعينها 8 قطع .. بس انا هنيه قطعتها 4 قطع
بصلتين صغار مفرمات
فصين ثوم مقطع
4 حبات طماط ومقطع بعد صغار صغار
1 أو نص حبه فلفل بارد [ فلفل رومي ]
فلفل حار ع حسب رغبتج وانا حطيت 3
خاشوقة صلصل
حبة ماجي
مجموعة بهارات ملعقه صغيره لكل من
(ماسالا – كمون – كزبره – كركم – شطه حمراء بودره ) المسالا بتحصلونها فالجمعيات فعلب البهارات
ملح حسب الرغبه
2 ونص كاس ماي [ يفضل من ماء سلق الدياي ]
علبة روب [ زبادي ]
ورق غار [ ورق الصالونه ]
نيى للطريقة :
أو شي حمسناا البصل وحطينا علييه الثووم .. ليين يذبل وعقينا عليه الطماط
نتريا الطمام لين يذبل من 5 الى 10 دقايق
بعدين نعق عليه الفلفل البارد والفلفل الحار والماجي .. عاد انا ماحطيت الفلفل البارد ..
خلصنااا واترينا الفلفل يذبل والماجي يطبخ فيه .. نطفي النار .. ونجهز الخلاط ..
نحط فالخلاط الصلصله لي طبخناها + الروب + خاشوقة الصلصل ..
شغلنا الخلاط ويبنا الدياي المسلوق وحطينا فجدر شوية زيت وحطينا الدياي ونقليه بشكل بسيط ..
طبخنا الدياي وخلصنا .. ونيب الصلصله لي حطيناها فالخلاط ونصبها عالدياي فالجدر ..
هنيه تحطين البهارات عليهم وتطبخينه شوي .. وتصبين عليهم اكواب ماي السلق ..
وماننسى ورقة غار [ ورق الصالونه ] اذا تبين ..
عقب مازدنا الماي عليه .. خليناه عالنار يطبخ نص ساعه [ 30 min ] وجيه نكون خلصنا المسالا ..
طبعن الصوب الثاني طبخنا العيش .. يفضل الملون .. بس هليه يحبون الابيض من جيه سويت الابيض ..
…..
خلصنا ويى دور التقديم …
وهاي الصور عقب ماخلصناا …
وصحه وعافيه ….
انصحكم تجربووونهاااا حدهااا تينن … كل لي فالبيت تخبل عليهااا …
اتريياااا ردووودكم .. واكييد تجاااربكم الحلوووه …
واذاا عندكم اي سواال سووبر فيووونكه فالخدمه ..
تقبلو مني والسموحه القصووور … ختكم سبور فيونــــــــــــــــكه ^^
تسلم ايدك ويعطيك العافيه اختي
تسلم ايدج
^_^
تسلم إيدج والله يعطيج العافيه