محتاجه مساعده المومة و الطفل

كل عام وانتم بخير
انا حابه افضفض الى فيني لاني مليت ما عندى حد اشكيله الى فيني عشان ارتاح او على الاقل ينصحونى
مشكلتي مع ريلي انا متزوجه صار لى تسع سنين عندى اربع اعيال لكن حياتي ممله روتين ممل كل يوم يمر على نفس الشئ ريلي من النوع الى مايحب يزور حد ولاحد يزوره يعني يستحى ليش مادري من خذته وهو جذى ما اعرف كيف اغيره حتى كاسلوب او تعامل ما عنده اسلوب واذا عن الطلعه مااطلع واذا طلعت ماسير الى مكان واحد بس مثل ستي سنتر بس اليهال مساكين لا بحر لا حدائق حتى اليهال يقولون لى ليش جى انتوا ماطلعون مثل فلان وفلان يطلعون عيالهم احس انهم مالهم ذنب مب عارفه كيف اغيره للاحسن مادري اذا فهمتوني بس بغيت نصيحتكم

ليش ياسيدات ما ودكم اتساعدوني لو بكلمه بنصيحه

اذا هو ما يحب االختلاط و الزحمه حاولي تختارين اماكن معينه ما فيها زحمه .. او حاولي تقنعينه انكم تطلعون في نص الاسبوع يعني ما تكون المولات زحمه ..

و اذا تبينه يسير عند اهلج قوليله مثلا انهم دوم يتصلون و يسلمون عليك و يسألون عنك و متولهين عليك.. و اذا اقتنع و سار لا تخلينه ييلس و ياهم روحه لانه مثل ما ذكرتي انه خجول تمي يالسه وياه..

و صدقيني هاجيه بتمشي الحياه

و قولي الحمدلله في النهايه انتي احسن من غيرج.. تسيرين الستي ههه
و غيرج حتى عتبة الباب ما يشوفها
و عسى ربي يوووووووووووووووووفقج
اختج في الله

ربي يسخر لج ريلج اختي
عليج بالاستغفار والدعاء والقيام

الغالية حاولي تتفاهمين وياه مثلا قوليله خل يوم الجمعه زيارة الارحام (زور الارحام لو بالاقدام ) لان قطيعه الرحم مب زينه كلميه بالكلمة الحلوة وان شاء الله بيرضى

حاولي معاه بالكلمة الطيبة وخلي اليهال يطلبون أبوهم ويحددون الماكن إلي حابين يروحولها ودعواتي لك بأن يسخره لك ولعيالك

الغاليه بيدج انتي تمي لا تكلمينه ويوم بيسالج قومي من قدامه وقوليله انا وعيالي اتعقدنا وسبه انته وكملي الي بخاطرج