بأذن الله تعالى يارب يتم الموضوع على خير وتستوي الملجة في العايله ..
و كبدايه احب اخبركم اني من دبــــــــــي و ابغي الخدمات تكون في الشارجه او دبــــــــي …
بأذن الله ملجــــــة الرياييل بعد شهرين اذا الله كتب .. و في نفس الوقت ابغي اعرف منكم تفاصيل زياده عن الموضوع
المهم …
الحين المعرس شو نطلب منه اييب حق يوم الملجة .. يعني بالضبط حق عشا الرياييل و الحلوى !!
يعنـــــــي مثلا كم ذبيحـــة و كم غوزي و كم وكم ؟؟؟ .. و نحنا ما شاء الله اهلنا شبه واايد … و طبعا لازم نوزع حــــــــلوى و عيش ولحم على بيوت اهلنـــــــا .. حوالي 17بيــــــــــــــت
و طبعا لازم نحدد الي نباه و نطلبه من المعرس … لكن شو نطلب بالضبط …
يعني بقولكم الي نباه ..
طبعا تعرفون طاسات الحلوى الي تتوزع في الملجة .. نحن نبغي شـــي يكون مرتب حلو و راااااقي .. و كذالك الحلوى الي في الطاسات تكون من نوعيه زينـــه وحلوة تبيض الويه
…
فهل في محـــــل حلوى يوفر هالنوع من الطاسات مع هالنوع الزين من الحلوى ..؟؟ … مو شرط شي وواايد غااالي وااايد , لكن الشي الحلو المرتب الراااااقي للمناسبـــــــــات … اتمنى تعطوني اسامـــــــي للمحلات هاذي
و كذاللك بالنســــــــبة للفواكــــــــــة الي اييبها المعرس … <<< هاذي عااااد موووليــــــــــــــة ما اعرف شي فيهااااااااااااااااا
————————
واما عن العشا فأتمنى تفيدوني… طبعا الملجــــــــــة بس بتكون للرياييل فقط … حوالي 30 ريال .. الحد الاقصى ..
و اتمنى تعطونــــــــي اسامي احسن المطابخ الشعبيـــة في دبي او الشارجه … و كم ذبيحه تقريبــــا … و قبل الملجـــــــة بكم يوم نحجـــــــــــز …
ابغي تقريـــــــــر جزاكم الله خير و الي بتفيدني لها دعوة من القلب و دعواتي لكم جميــــعا … ان الله يوفقكم ويرزق كل بنت الزوج الصالح النقي و يسعد المتزوجــــة ويبارك لهاااااا
عنج مطبخ الجوراح ف دبي يسوي واكله حلو وعندج مطبخ الطوار ومطبخ لطيفه
وشي حرمه ف جميرا بس ماعرف شواسمها تسوي عيش ولحم او دياي بس اكلها وايد حلو
ذبحيتين بس تكفيكم وسو الغوزي خمس صياني او ست بس
والحلوه اذا بغيتي تسوين شي حلو خذيهم حق اي محمصه وهم بيرتبونهم لج
عاد الفواكه علا حسب اذا بتاخذين من كل شي كرتونين او ثلاث كراتين لان الفواكه بتم يمكن ياكلون منها شي معين
بس كثرو من الماي والبارد
عاد اتمنى اني فدتج بشي ولو بسيط لانه هذا اللي نحن نسوي حق عزايمنا او شي ^^
وبالتوفيق لج واذا بغيتي تسالين عن شي فالج طيب طرشي الخاص وانا بسال الاهل وبرد عليج خبر ^^
و يزاااج الله خييير يا السويديـــــــــــــة … و الرياييل حوالي 30 او 35 في الميلـــــــــس … ومن غير اهلينا الي حوالي 16 بيـــــــــــت .. يعني ما اعرف حق كل بيت شو نطرش بالضبط هل ( صينيه …… + حلوى ) طبـــعا مثل ما تقولين ان شاء الله بحدود المعقول …
البنـــــــــــات الي عندهــــــــــــــــــن خبرة اتمنى تساااعدوني ..
حطو 16 صينه عيش واذا بتسون هريس بعد 16
ومعاهم الحلوى يعني كل بيت بيتوزع فيه صينه عيش وهريس وحلوى
الظاهر ان هذا الي قلتيه حل طيب .. ان شاء الله شكلي بسوي مثل ما قلتي .. احسن شي