بدش في الموضوع على طول
انا متزوجه من 6 سنين وعندي ولدين … هالفتره الاخيره صارت مشكله عوده مع ريلي وقرر انه يتزوج ( فجأه ! ) والحين مكلم حد يدور له …
المهم انا طلبت الطلاق وانا في بيت اهلي الحين .. اتناقشنا جم مره فالموضوع مافيه فايده انه يغير رايه بخصوص الزوجه الثانيه وانا صممت طلقني .. وخلاص اتفقنا على يوم نروح المحكمه ,,
من يومين قعدت افكر مع نفسي وفالاخير قلت ايي اسمع شوركم ونصايحكم ,,
ابي راي المطلقه كيف كملتي حياتج وعندج يهال بدون الاب ؟ وهل هو شي ممكن اتحمله او لا ؟
ابي راي الزوجه الاولى كيف حياتج وانتي عندج ضره ؟ وهل هو شي ممكن اتحمله او لا ؟ ( في حال اني رضيت اتم على ذمته )
ياريت اشوف اشياء ايجابيه اكثر تخليني اقدر اقرر اسهل
ولا تقولولي شوفي نفسج تقدرين تتحملين او لا ؟ لاني احس الاثنين اقدر اتحملهم والاثنين مااقدر اتحملهم ! ههههههه
الله يقويني واعدي المرحله اليايه على خير
ادعوا لي
هاييلا الرياييل ما وراهم الا الهم والغم وصدعة الراس..
الحل انج ترضين بمكتوبج وقدرج
واهم شي يعدل
لان التعدد شرع من الله
دوم انا ادعي انه الله مايحط عراسي ضرة تراها مرة
بس اذا صار واستوا بدعي الله يصبرني وبسكت وبحتسب
ثاني شي اذا ماعدل في هالحالة سيري المحكمة
بس الطلاق مب حل
اسأليني اعرف بنات اطلقو لهالسبب وعيالهم مثل اليتامى بليا اب
الابو مشغول ببيته والثانية وعيالها
توكلي على وهذا شيطان يوسوسلج
لاتترين من حد يقوولج فكري وقرري بروحج
شوفي ريلج متعلق فيج وايد ومتمسك فيج وبالعيال ليش تتطلقين؟؟
شفتي ريلج ممو مهتم ولاهي معها الطلاق انسب حل>>اذا من الحين لاهي كيف عقب
انتي تعرفين نفسج وشخصيتج وقوه تحملج وصبرج وتعرفين ريلج يخاف ربه وبيعدل ولا لا مو نحن
الحل عندج بروحج فكري وصلي استخاره وعقب قرري ولاتسمحين لحد يعطي قرارتج عنج حتى لو اهلج
وف الاخير ان شاله اكبر المصايب والله يفرج همج وعليج بالاستغفار^^
ويعينج على المرحله اليايه في حياتج
الطلاق مب حل وحرام العيال يتشتتون
بمعنى اذا تحسين انك قادره تتحملي فجربي تتحملي وشوفي اما اذا تحسين صعب وما بتقدرين فنصيحتي لا تطلبين الطلاق خليه يتزوج وانتي عيشي حياتك ما تدرين يمكن الايام ترده لك نادم لانه فهالزمن العدل صعب الا من رحم ربي وتلقين دوم الزوجه الاولى هي الي تتحمل ولا اعمم .,
الله ييسر امرك