لا خلطات ولا عوار راس مجرد جل لبشره خاليه من البقع

شخباركم خواتي .. اتمنى انكم تكونون بخير وصحه وعافيه .. حبيت احط لكم تجربتي مع الجل الي عطتني اياه الدكتوره .. انا بديت اتعالج من الحبوب والبقع من 3 شهور تقريبا.. بس هني في موضوعي بغيت اخبركم على الجل الي عطوني اياه واسمه Differin .. بصراحه بشرتي من بعد استخدامه صافيه 100% وويهي لونه تناسق.. لا اعاني من اي بقعه ولو طلعت لي بقعه استخدمه وتخوز وترد صافيه وحلوه مثل اول ومتورده … بحط لكن صوره هالجل وتلقونه في الصيدليات

طريقه استخدامي له كانت ولا اسهل واروع .. وصفتلي الدكتوره اني استخدمه يوميا قبل لا انام بالليل ادهن ويهي بالجل وبروحج اذا دهنتيه بتحسينه يجف بعدين وبس وانش الصبح عادي .. بس قالت لي اذا حسيتي ويهج يحرقج شوي لانه يقشر الويه .. لا تستخدمينه كل يوم يعني يومين وبعدها احطه مره ثانيه … انا قلت لكم عن هالجل عن تجربه بصراحه ووكلي ثقه من مفعوله الرهيب

وكل حد يقولي ماشاء الله بشرتج صافيه وحلوه وماحبيت ابخل عليكم بتجربتي

اتمنى كلكم تستفيدون خواتي ولا تنسونا من دعائكم الصالح