كيف الحال
انا ربيت قبل سنة وشهرين والحمدلله لاكن ولدت بعملية لان الماي نزل علي اول شي والدكتورة قالتلي الراس اكبر من الحوض قلتلها يعني عملية قالت بنتنظر لين باجر يمكن مع الطلق يتوسع الرحم وينزل الراس
بس كانت كل شوي تقولي الراس بعيد بس يوم فتح 3 سم انا قلتلهم ابا عمملية لاني تعبت وحسيتهم حطموني
سؤالي الحين كيف اعرف الحوض صغير ولالا ؟ لو سرت لدكتورة تقدر تسويلي كشف بالتلفزيون وتعرف صغير ولالا ولا لازم فحص داخلي ؟
خاطري اعرف لاني ابا اعرف المرة الجاية شو بربي عملية ولا طبيعي
حسب علمي أن الوحدة القصيرة يكون حوضها صغير والعكس صحيح ..
وإذا عضمتها ضئيلة اتبين من الرسغ إذا انتي عريضة أو ضعيفة عضمتج ..
والأفضل الدكتورة اتشوفج لكن مايحتاج أصلا فحص داخلي عشان الحوض ..
بس ياريت لو وحدة الدكتورة خبرتها ان حوضها صغير تقولي كيف عرفت ؟
وعن راس البيبي،، لازم يكون في الحوض،، ولو مانزل وايد يكون صعب،، لازم تمشين وايد عشان البيبي ينزل في الحوض و تسهل عليج عملية الولادة،