كل ما اقدم مكان يقولون شهادتج جديمه -__- التعليم العالي

شحالكم خواتي ؟؟

اممممم

بختصر لكم الموضوع ..

انا من المنطقه الشرقيه .. دفعة 2024 ..

درست بجامعة الشارجه بس انفصلت منها من سنة تقريبا .. بسبة المعدل ..

و انا ابا اكمل دراستي .. انا شاطره واعرف عمري .. بس سبحان الله مادري ليش ما توفجت بدراستي الجامعيه .. مع اني من الاوائل بالمدرسه ..

المهم

كل ما ييت اقدم مكان يقولون لي شهادتج جديمه ونحن نقبل شهادة ثانويه قبل 3 سنوات وفوق !!

قدمت بكلية المجتمع ونفس الكلام .. ويوم ييت بقدم بمعهد التكنولوجيا بالشارجه .. ربيعتي متخرجه منه .. قالت الحين بفلوس مب نفس قبل منح وجي ..

و انا ظروفي ما تسمح اني ادرس خاص ..

لو كنت اقدر جان درست بأي جامعه خاصة وفكيت عمري ..

وجامعة الامارات قوانينها صعبه .. آيلس وهالسوالف .. واول سنه فالتقنيه عقب بالجامعه وووالخ ..

انا سمعت ان اللي يطرش رساله او يوصل للشيخ سلطان القاسمي .. على طول يرده للدراسه و يعطيه فرصه..

انا من متى احاول وأسال .. كيف اقدر اوصل له رساله او شي .. محد عطاني جواب ..

ابا اكمل دراستي مابا اتم جي

حتى لو تعرفون اي مكان اقدر اكمل دراستي فيه خبروني .. المهم ما اقعد بطاليه جي .. مليت .. اشتقت لجو الدراسه .. ابا شهاده عالاقل .!!