أولا: اللي بيقرى كلامي يقراه كامل عسب لاتفهمون غلط
سبحان الله شي غريب والله
كل الامارات تتناقل سالفة المدرس اللي ضرب الطالب
(صح ان قلبي أحترق يوم شفت الفيديو وانقهرت ليش يضرب بهلوحشية)
بس استغربت الامارات بكبرها على هذي السالفة
وساكتين على المصيبة الأعظم مدارس الغد اللي ممكن أتاثر على سلوك الأطفال وأخلاقهم أو حتى معتقداتهم
بروحي مستاءة من تصرف الاستاذ
بس مستغربة من سرعة استجابة الوزارة
معقولة لو كان استاذ اجنبي بيسون فيه نفس الشي ولا بيسوون شرات ما سووا للإستاذ الاسترالي اللي طلب من الشباب انهم يرقصون
ماسووا شي مجرد نقلوه مدرسة ثانية
يعني لا حظوا كيف يتادب العربي
طرده
وكيف يتأدب الانجليزي
مجرد نقل يقدر ينشر افكاره مكان ثاني
سبحان الله أرد أقول الاستاذ غلطان بس مو يقطعون مصدر رزقه يأدبون يوقفون عن التدريس فترة أظن بيتأدب
ولا بس شاطرين على العرب
فهموني والله غريبة
بعدين فكرت فشي ثاني يمكن الوزارة شافوا الاهالي محتشرين على سالفة المدرس أكثر عن مدارس الغد عسب جذا اتصرفوا هالتصرف وهناك مسووين طاف
أدري أن هذا مب اسلوب للتربية
بس محد بيحس فكلامي غير المدرسات لان اختي مدرسة واتقولي عن سوالف البنات والاولاد
اتخيلو مرة ابلة وافدة زخت واحد يغش قالتله ليش اتغش قالها خليني أنا مواطن
ومره في اثنين يضابون يه استاذ يبي فك بينهم قاموا دزوووووووووووه وقالوله بتشوف شو بييك
مع انه بس يبي يصالح بينهم
سار صلاة التراويح وكان وقتها رمضان
اتخيلوا لما اهله طلعوا لقوا سيارته مكسرة
شو كان ذنبه
والله ان اللحين الطلاب لايسمعون مدرس ولا شي كله متكبرين أونه مواطنين وهذي السوالف أخوي يخبرني فيها
أونة في لاوم المدرس يفهم الطالب ويعامله كأنه أب ومن هالكلام مأخوذ خيره تعرفون ليش لان الطلاب يوم يسسرون المدرسة كله راقدييييين ويضاربون بلاساتذة والله انتوا ما تدرون عن شي يمكن عيالكم جدامكم مساكين ولكن سيروا اطالعوهم في المدرسة طبعا البعض
وهذي حقيقة اخوي يقول عنها
ما أبي أدافع عن حد بس انا مستغربة من لامهات قبل الوزارة كيف يرضون على مدارس الغد اللي هي أخطر ملييييييييييييون مرة من الضرب وساكتين عنها
واسمحولي اذا غلطت
ترى العرب فقارة انسوي فيهم اللي نباه
أرد واقول الاستاذ غلطااااااااااااااااان بس عسب محد يقولني شي ما قلته
بس الاجانب لو يخربون عيالنا انخليهم لا ومقعدينهم في البلاد على حسابنا
والله قهرررررررررررررررررررررررررررررر
انعم واكرم خخخخخخخخخخخخخخخخخخخخ
المهم انا معاج الف في المية العيال اللي هب متادبين يبالهم حزم وانضباط
لكن يوم هو ياي من بيت اهله وهو متعنتر ويقول خوزوا عني انا مواطن
فهذا ما يباله تاديب
هذا يبى حق اهله التاديب هو هالعنجهية والنفخة الجذابه
وخير يا طير يا المواطن
كلنا مواطنين وكلنا شرواك ويمكن احسن ويمكن اقل بس بعدنا ما نفخنا صدورنا وكابرنا بالغلط لمجرد ان نحن مواطنين
اختي التعليم واللي يعلمون والي يطرشون عيالهم المدارس يبالهم نفاض والا عمره الحال ما بينصلح
انا عشان جيه رفضت ادخل سلك التدريس كل يوم بخشعلي يا معلمة والا مديرة والا موجه والا اهل طالب ويمكن حتى الوزارة وآخر شي بيلاقوني ويا اللي طرشوهم وزارة العمل والعمل
افتش على العماله والمحلات خخخخخخخخخخخخخخخخخخخخخخخخخخ
زين ليش ساكتين احتشروا على الموضوع وارفعوا صوتكم بشكواكم خل الوزارة تحس بالخلل والا الاجنبي مكلفنهم وايد ويخافون من العقود اللي كاسرة ظهورهم والعربي كنسل سفر مع السلامه
هب عربي هندي
اختي سواء عربي والا اجنبي اللي يغلط غلطة كايده ماله مكان وماظنتي المدرس اللي صفع اليهال هاي اول حادثه له اكيد مشلخنهم لحد ما شبعان وفي غيره وغيره وغيره
الله يهدي المعلمين والطلبه ويصبر كل طرف على الثاني
والحين الاهالي غاسلين ايديهم على بالهم المدرس البشكارة اللي مطرشينها تراعي عيالهم في المدرسة واللي تلبي لهم طلباتهم
التعليم تعاون وتكاتف والا كيف عيالنا بيحترمون الغير ويقدرون قيمة اللي يساعدهم
ما اقدر اقول اكثر من جيه لا تحطمين معنوياتي
دمتن في ود
الصراحه انا يوم شفت الفيديو ..غمضني الطالب ودعيت عالمدرس.. بس الصراحه طلاب هالايام ما ينرامون ..لا يحترمون مدرس ولا يسوووله اعتبار ..اذا قالهم شي المدرس يقومون بدون تفاهم يضاربونه كأن المدرس خدام عندهم..
والسمووووووووووووووووووووحه ..
بس بالنسبة لمدارس الغد انا وياج مليون بالمية لكن منو يسمعج يالغالية
اصلا هم لفتونا لهالسالفة
عسب يبعدون الانظار عن مدارس الغد وما في مدارس الغد
من معتقدات ينشرها هؤلاء الاجانب على اختلاف معتقداتهم واطيافهم
حسبي الله عليهم
اختيه لا تقولين بس في مدارس الغد
حتى عندنا في الجامعه
يعلقون علينا ويظحكون…وهم حتى الواحد يمكن ما عنده غير شهاده
ICDL
انا بخبرج موقف….مره الاستاذ يعلمنا على جدول …وكتب عن سن الزواج…
المهم كان آخر سن 30 ….ويوم وصل قال اعتقد صعب على الحرمه انها تصبر يلين 30 من دون
زواج…ورافع حياته الاخ….
سكتناا محد رد عليه…شو كنت بقوله نحن مب مثلكم ندور على البوي فرند…
يعني هالاجانب عندهم تصرفات غريبه وإلي طارتلج تنورتها يلين
تحت ظهرها…شو هالسخافه…
يعني حتى ثلاثة أرباعهم ما عندهم مجستير إذا كان عندكم شهاده جامعيه زين
بس منو بترمسين .. إذا إلي فوق فوق مب مقتنعين بقدرات المواطن …