الــسلآآآم عليــكمـ ورحمه الله وبركــآآته…~
بعد نجــآآح القروب في موسمه الاول والثاني والثالث .. تم بحمدلله فتح القروب الـجزء الرابع..~
ومثـــل ما كنـــآآ وتعـــودنــآآ …القـــروب يرحب بالكـــل مب شــرط منتسبآآت في دايت نيوترشن او نيوترشن..~
فالمــجال مفتوح للــجميـــع .. ماعندنــآآ عدد معـــين في البنات المشاركــآآت بالقروب لتعم الفايده للجميـــع..~
لانــه هدفـــنآآ واحـــد وهـــو الوصول للوزن المـــثالــي ونحن بصحه وعافيـــه..~
ومثل ماتشوفون صار لنا شعار بالقروب
" عندما يصبح الحلم حقيقه"
كلنا نحلم بالرشاقه وبالصحه
واكيد هالحلم يبا قوه وعزيمه واصرار لتحقيقه
فاكيد انتو قدها لتحقيق احلامكم
في صددت هالشعار بنفتح لكم فرصه تعبرون ليش
تبون حلم الرشـآقه
وبيكون هالفقره اللي بتكتبونها بعنوان
،
النفسيه الناتجه عن الرجيم
استفسارات
حلول لمشاكل لاسمح الله..
ومنهــآآ نستفـــيد من خبرآآت بعضــنآآ البعــض..~
التقـــارير اليوميـــه
الحضـــور
عدم تقليل من شــآن الاخــرين
الاحتــرام
الـتشجـــيع
العـــزيمــه والاصرار لوصول الهدف..
عدم التخبيصــآآت " …~
،
يتبــــع
المــطلوب من المشــاركــآآت اليـدد والقدامى
الطول
الوزن السابق
الوزن الحالي
الهدف
الدكتور
يوم المراجعه
اللـــي مب مشــتركـــه في مراكز نيوترشن مب مشكله تترك فراغ في الدكتور ويوم المراجعه..~
زورانـآآ الكرآآآم اللي يبـآآ الجداول المتبعه واللي نمشي عليـهـآ ممكن يتابع يوميـآآت المشاركـآت في
الجزء الاول ..و.. والجزء الثـآني .. والجزء الثالث وهنــآآ ان شاءالله..,’
يالــيت يتم وضعه بالتـــوقيــع + الوزن السابق والوزن الحالي
*ياليت لويكون الموضوع بدون اقتباسات عشان يكون سلس بالتصفح من قبل العضوات والزوار
* مع كل مراجعه يكتب الوزن السابق والوزن الحالي وكم كميه النزول عشان ما نتشتت مع كثره العضوات وتكون المتابعه لكم اسهل
ومبــــرووووكــ علـــيكم افتتــــآآح الجـــزء الرابع…….~.^
نبـــدآ بسم الله..~
copyright@2011 All Rights Reserved
،
،
في هالفقره بتكلم ليش انا قررت اسوي دايت
انا من الابتدائي اللين اول ثانوي مافي احلى من جسمي وانت اكل عادي ماعندي مشكله
وبدا وزني يزيد من ثاني ثانوي لـ ثالث ثانوي والكليه هناك كملتها
وكان وزني يزيد وصل 106 واشوفه شي عااااادي وايد
وغافله وناسيه عمري اللين شفت وحده كانت امتن مني مرتين وصارت رشيقه
وقلت ليش هي يات احسن مني ونزلت وانا شو ناقصني ماانزل وارحم عمري شوي من هالمتن
يسدني الناس تعايرني يالدوبه ويالدوبه رحت وسالتها ودلتني عالمركز
واشتركت وكان اول دايت اسويه بحياتي واكيد مع نزول الوزن تغيرت نفسيتي وزادت الثقه
وصرت اقهر الناس اللي حولي وكلن يقول لحرمته شوفي فلانه كيف استوت سوي نفسها
وللحين ناويه اكمل واحقق حلمي بالرشاقه واكون عندي معلومات صحيه اكثر تنفعني بعد مااوصل
للمثالي واكون في وزن صحي ومايزيد وزني ، وهذا وسلامتكم
،
الطول
162
الوزن السابق
111
الوزن الحالي
80
الهدف
64
برب مع تقريـــري لليــوم
الوزن السابق :94
الوزن الحالي : ماشاءالله 70
<<<الظاهر بدت ترجع تسمن هههههههههه
الهدف :64
الطول :166(اتوقع لان من زمان ماقست الطول )
وانا اعتمد على التخفيف واقلل من الرز بس المصيبة اني حاطة حيلي ف الخبز ههههههههههه الله المستعان
الوزن السابق 80 فاصله 3
الوزن الحالي 81 فاصة شي
طولي 160
الهدف الأول 70
يوم المراجعة الأحد ..
الدكتور وليد ..
وتسلم يمينش يالمقر ع هيك موضوع وهيك توقيع ..
الصدق أبدعتي ومافيش حيلهـ ..
ويعلني ماخلااااااااااااااااااااا …
والله الاسباب وااايد اللي خلتني اقرر اسوي دايت ، بس احب اذكر اني لحد ماعرست كنت ع الشخطه يعني كان وزني 62 حده وعقب ما حملت ويبت حمود فديته زاد وزني صك الثمانين ولكني خسرت 8 منه بسهوله وصرت 72 وكنت آحاول انزل الباقي بس ف نفس الفترة كنت امر بمشااااكل كثيرة وانفصلنا انا وبو الولد وهالشي اثر ع نفسيتي كنت مهتمه بجسمي واحاول ارجع ولكن عقب اللي صار يتني حاله من الطااااف لكل شي ، صح رجع لي طموحي بالدراسه وغيره والحمدلله حققت في مجال التعليم والمهني اشياء افتخر الحمدلله فيها لكني كنت اكل بلا احساس كان شي ف خاطري ولا اقدر اطلعه واحس بضيق وظلم وعقب مرور 8 سنوات اتعدلت نفسيتي الحمدلله واحس اني صرت احب حياتي اكثر ، الحين حمود عمره عشر سنوات وانا ما اباه يشوف امه تمرض امراض بسبة هالسمنة ، لازم ارجع الصحة والجمال اللي وهبني اياها ربي وضيعتها بايدي ، صار لي هدف بحياتي ، ثقتي زادت بنفسي وااايد سعيدة بنزول وزني ولازم احقق هدفي باذن الله ..
اشتركت بالمركز من ثقتي بهالقروب ويزاها الله خير المقر اعتبرها هي دلتني عليه ..
وهاااي قصتي وهذا حلمي اللي راح احققه باذن ربي ثمن بفضل تشجيعكن خواتي بهالقروب الطيب
،
الطول
160
الوزن السابق
95
الوزن الحالي
74.8
الهدف
60
الدكتور
د. محمد
يوم المراجعة
الجمعة