شحالكم خواتي ؟
ربكن الا بخير وسهالـه ؟!!,,
خواتيه .
يعلني فداكن هذا اول حمل لي ( والله يثبته يارب العالمين ) ,,
ومب عارفه شو من النصايح اللي امشي عليها ؟
ممكن من خلال خبرتكن تنصحوني ولو كل وحده منكم بنصيحه ؟!
وانا اشتغل حالياً,, وقعدتي كله بمكتب ,,
واداوم من 8 لين 2 ونص , وساعات شفتين صبح وعصر…
هل ياثر والالا؟
اترك الشغل يعني ؟؟
وانا اداوم يوم وترك شفتين ..!!! مب تعب ؟؟؟
وهل قعده المكتب تاثر ؟؟
انصحوني بكل شي ,,,
وووووووووووووالله يخليكن لاني طمه ..
اي وحده عندها نصيحه تكتبها
يززاكن الله خير وادعولي الله يثبت لي بنوتي ( ان شاء الله بنت )
واني مااشوفها الا بعد 9 شهور
أختكم : راحت اايامك ,
ثانيا اهم شي انك تتوكلي على الله وما تخافي من شي
استريحي لما تحسي بتعب ولا تجهدي حالك
انا حامل بس للمرة الثانية وبتعب شوي بس عادي والحمد لله بخير
انت اهتمي باكلك اهم شي لانه هو الي بيعطيكي القوة والمقاومة
اذا حسيتي بتعب لا تهملي حالك وروحي الدكتور
وربي يسهل علي وعليكي وعلى كل الحوامل يا رب
ونقوم بالسلامة جميعا
(^_^)
ماشاء الله لا قوة الا بالله
ربي يتمم حملج على خير يا رب و يثبته و تفرحين باحلى بنت ان شاء الله
ان شاء الله يكون نصيبج بنت مثل ما تبين
عن الشغل الصراحه ماعرف
بس عن النصايح بخبرج اللي عبالي الحينه
ابتعدي عن:
السهر
اللاب توب لا تحطينه في ثبانج
الكافيين (القهوه و الشاي و الكولا) مسموح مره وحده في اليوم كوب واحد.
البقدونس و العسل و التمر و الباباياو الاناناس كلها اشياء حاره على الرحم.
الجرفه
الزعفران
الاكل السبايسي حاولي تبتعدين عنه
لا تشلين اشيا ثجيله
كل ما اييج رغاد ارغدي و ارتاحي
شربي وايد ماي
حاولي تخففين من شرب الاشياء الحاره
لا تتسبحين بماي حار
اللوشنات و الكريمات سألي دكتورتج عنها….لانه ختيه كانت تقولي انها تضر،،،مادري
التشقير و الصبغه في الشهور الاولى ابتعدي عنها
حاولي اتخففين الضغوطات (السترس)
هممممممممممم اسمحيلي افكاري هب مرتبه (^^)
ان شاء الله اذا تذكرت شي بخبرج.
و ادعيلي الله يرزقني الذريه الصالحه
أول شي أشربي من كوبين لأربع أكواب حليب فاليوم وإذا ما تحبين عوضي بالروب والأجبان
من 3 ألى 5 بيضات فالاسبوع
كثري من الخضروات والفواكه على أنواعها
نوعي فالغذا
وكلي من اللحوم السمج الدياي اللحوم الحمرا
لا ترقدين على ظهرج خاصة بعد الشهر الرابع عشان ما يعورج ظهرج ليش لأن وزن الجنين والمشيمه والماي وألخ يضغط عالظهر
أرقدي دااااايما على جنب وأرتاحي لا تعبين عمرج ولا تشلين شي ثجيل
إذا كنتي فأول شهور الحمل لازم تآخذين الفوليك أسيد أسألي دكتورتج عنه
والله يثبت حملج يارب