دخيييلكم إلي عندها الحل لا تبخل علي ,,
كنادير ريلي يوم احطها بالغساله واطلعلها .. البقع ما تروووح موول بالعكس احس الكنادير مستوية باهته ..
فياريت إلي عندها الحل اتخبرني
مع العلم : أني استخدمت غسالة اتوماتيك وأحط الكنادير تقربيا 3 ساعات ادور ..
واستخدمت صابون اريل ..
وكل ها الكنادير ما تنظف ..
شو الحل ؟؟
وعن لون الملابس في شي الصراحه ما اعرف اسمه لونه ازرق يحطون منه شوي بس في الماي ( يعني كم نقطه ) وبعدين تحطين فيه الملابس (في آخر غسله) علشان يخلي الملابس مبيضه على شوي زروقه واعتقد ان محلات غسيل الملابس يستخدمونه لان ريلي عرف عنه من الهندي اللي في الدوبي
يعني كل دفعه من 3 لـ 4 كنادير .. هذا اذا كانت الغساله كبيره
ومايحتاي انج تستخدمين الكلور لانها اتبهت الكنادير واتغير لونها .. في حال كان شي بقع مثل الكرك ولا الآيل من السياره وغيره من البقع .. تاخذين لج صابون لوكس وتفركين البقعه وعقب اتمين تفركينها بأيدج .. بتشوفين ان البقعه اختفت عقبها اغسلي الكنادير بالغساله ..
انا ماجربت الا التايد و اشوف انه مايحتاج لـ كلور ابد الا في حالات مستعصيه جدا جدا
وترا مايحتاي اتخلينها 3 ساعااات وايد وايد الصراجه
انا استخدم الغساله العاديه ولفه وحده تكفي مال ربع ساعه ولا 20 دقيقه بالكثير عشان تنظف الكنادير
وان شاءالله البنات يفيدنج اكثر
انا مشتريا مزيل للبقع من الكارفور … الغرشه بلاستيك ابيض و راسها فرشه زرقه .. تفركين البقعه قبل الغسيل ب 10 دقايق …
و فالغساله استخدم صابون الوزير البودره مع بانش البودره …
و تطلع الكنادير ناصعة البياض ….
بعني اول اتحطين الصابون في الماي بس ويدور كم دوره علشان يذوب ثم اتحطين الخل
وعقب اتحطين الكنادير البيضاء ولفي الغسالة كم دوره واتركي الثياب فيها قولي ساعة وعقب خلي الغسالة تشتغل عادي يعني تاخذ لفتها الكامله وتعالي شوي الثياب والبياض الناصع
شوفي حبوبه طريقتي فالغسيل او شي اشتري فنش للملابس الملونه لا تاخذين الي يستخدم للملابس البيضاء لان احيانا رياييلنا يلبسون كنادير بيج
المكان الي فيه بقع عطي عليه فنش و بالايد افركيه و عقي الكدنوره فالغساله مع صابون و بعد فانش اخلطيهم مع بعض و شغلي الغساله لمدة نص ساعه مب اكثر عشان ما تبهدلين ملابس ريلج و تصفر و تخترب من تحت و تطرطر
بعد النص ساعه اشطفي الملابس و حطي مره ثانيه مااااي و شويه كمفورت و لمدة ربع ساعه و طلعي الكنادير
بنسبه للصابون عادي ترى اريل و تايد و غيره نفس الشي بس الاسم غير يقصون علينا