سوالفكمــ حلوه في القسمــ .. ومشاء الله كل عضوه عندهااا افكار يديده 
خوااتي بغيت أعرف طرق حلوه وشي يديد لعرض الزهبــه او المكسار ؟؟ غير الشنط
شو ممكن انسوي شي يديد ؟؟؟ جد سرتوو مكان ولفت نظركمــ شي غريب ويديد
ممكن ساعدوني بفكار يديده … سويت سيرج في قوقل ما طلعلي شي ؟؟
ويا ليت ترفعون لي موضوعي
يمكن البنات يفيدونج
وربي يوفقج الغلا
ربي يتمم لج ع خير ويسعدج
الفساتين والمغربي والجلابيات الفخمه عرضيهم ع المانيكاان احلى وارتب ووزعيهم فالمكان عااد انتي وشطارتج فالترتيب
الذهب والشبكه خذيلج الكبت مادري شوه يسمونه جيي زجاااج وفيه ليتااات يعطي الذهب حقه ويبين شكله داخل روووووعه .. هذا ترتبين فيه الذهب والسوع والمجوهرات ..
عندج الجواتي والنعول عزج الله رتبيهن في ادرااااج مكشووفه او خذيلج السله اللي يحطون فيها النعل ورتبيهن فيهااا وضيفيلهن ووورود مثلا بيطلع شكلهن روعه
مممممممممم الشغابات خذيلهن العلاقه مال الشغابات ووزعيهن فيها
وشوفي افكار البنات الثانيه الله يوفقج
وتقدرين تعدلين شغلج الباقي فصنادييق تفنني فيها بالتوور والدانتيلات ..
ووزعيها عشاان يطلع الساااماان وايد .. لا تكوديين كل شي فمكان واحد .. عشاان محد يقوول هاي ماخذت شي 😛
خلي كل شي فطرف ..
والاضاءه فالحجره اللي بيكون فيها الزهااب مهمه .
وان شالله البنات يعطنج افكار حلوه
موفقه الغلا