السلام عليكم ورحمة الله وبركاته
خواتي ابا افكار حق عرض زهبة العروسفي ليلة الحنا الاماراتية
لفيت على كذا تاجره و كذا محل
حصلت عندهم استاندات الاكرليك
بس الصراحه الأسعار وآآآآآآآآآآيد مبالغ فيها
يعني ايجار الستاند ب 1000 ..!!!!
طيب اذا باخذ 6 ستاندات بـ 6 الاف ليش ..!!
ياليت اللي تعرف حد ارخص من هالاسعار سواء ايجار او شراء تخبرنا
واللي عندها صور لافكار عرض الزهبه
تفيدنا الله يجزاها خير
^_^
تعرفين بدل ما تسوين جي في استادريد معاليق موجود في ايكيا وايد حلو لونه ابيض او رصاصي وسعره رخيص 79 درهم وشكله حلو بتلاقينه صوب الكبتات فيه معاليق وقافيه وفي معاليق كبيره وفيها حديد يعني تقدرين تعلقين ثيابج بالمعاليق يمكن 10 او 15 ثوب وكل معلاق خليه ل شي معين هذا شكله
RIGGA
Clothes rack, white هذا اسمه
وتقدرين تفرقين كل مكان ب هذي الستاره الحلوه بعد
من اكيا بعد سعره 175
وبتلاقين وايد افكار بس انتي روحي تمشي وبالاخير اللي بتشترينه بتستفيدين منه ويبكون لج تعلقين عبيج او فساتين
وان شاء الله بعد البنات بيفيدونج
روحي السوق الصيني
رتبي بروحج أرخص لج نحن دايما انرتب بروحنا ويطلع ولا أحلى لان مره طلبنا وحده قالت بحط ورد و استاند و كمن صندوق ب 10 آلاف قلنالها استريحي ورحنا السوق اشترينا الاغراض و رتبنا و ما كلفنا وايد .. والنت الحين ما تقصر كتبي في قوقل و بتطلع لج مليون فكره و فكره
الله يوفقج
لا تعورين قلبج طبي عنج هالاستاندات الغاليه والبوكسات الشفافه خذيلج هالمناديس لي من الكرتون ورتبيهن روحج فالبيت وخلاف لفيهن بشاش ملون مع ورده فالمحمصه بيرتبونهن لج ولا الخساير لي تروح من مهرج للزينه الفارطه اخر شي تراه بيتبطل
الحمدالله نحن ماعنا عادة المكسار اخس ماتناسب هالزمان والحريم ينقدن او يحسدن
موووووفقة