عرس اخوي الجزء الثاني "ليلة حنة العروس" حياكم :) جمال الامرات

السلام عليكم,,

رديت مره ثانيه و الحين دور العروس,, وامي طلبت من اهل العروس انه اتسوي الحنه في بيتنا,,

يالله بسم الله,,

هالزاويه من الحوي امي اختارت اتحط الكوشه فيها,,

حق الكوشه امي اختارت لون الفوشي والبرتقالي وطلع وااو..اول شي قولو ما شاء الله لان قطع الكوشه من خياطة الوالده الله يحفظها وهي زينت اليدار بذوقها ,,اللهم طلبت الكرسي والديزاين المثلث من محل فالشارجه,, وطلع لها الكرسي ب1000,,

تراااااااااا,, هني عقب ترتيب كل شي ف مكانه,,, طبعاً ترتيب الوالده بعد الله يخليها,, قولو ماشاء الله ,,

هالاغراض كلها امي مسويه طلبية من ايران ,, والاغراض عباره عن شموع وليتات وورود ومنظره (مرايه) والاستاند مال كل غرض وطلعت لها حوالي 4800 درهم ,, وفكرة المرايه عشان يوم ان العروس تيلس مجابله المنظره اتشوف عمرها ,,حلوه الفكره صح,,

هني من جريب,,

وامي حطت بعد كيك وسلة فواكه وقرآن وحلاوه ومكسرات واتشوفون القراص اللي محطوط جدام هذا داخله عسل,, طبعاً ها ف ايران يحطون العسل فسوت نفس الشي ,,

وعقب طلعنا العروس ,, ولابسه ثوب اخضر و تمشي وياها بنت اختي صغيره لابسه ثوب اخضر بعد.. والثوب تفصيل,,

وما ننسى صينية الحنه ,,طبعاً ما حنيناها هي اوردي كانت متحنيه,, والصينيه هديه من مرت خالي,, اختي هني شاله الصينية ع راسها خخخ,,

صوره ثانية,,

عقب مررنا الشبكه على الناس عشان يشوفونها,,