عادي الحامل تسوي تشقير للصحة

السلام عليكم
شخباركم حريم
كل عام وانتوا بخير
انزييين أبا أسوي تشقير ويهي مترووس شعر وحواجبي غادية شرات عبسي خخخ بس متخوفة لني سمعت انه مب زين بس أعرف وايدات عادي يسوون فقلت بتخبركم احتياآط
وبسسسسسسسسس

اتوقع اول ثلاث شهور مب زين اما عقب عادي بس بين فتره وفتره

انا شخصيا اسوي بس الحواجب ما اسوي مكان ثاني

انا مشقره اشهر الي طاف
انتي في اي شهر اللحين ..؟

انا قالولي ان اول الشهور مب زين تشقرين بس من عقب الخامس كل الي في نفسج سويه

انا بس كان في خاطري اشقر ويهي وشقرته والله يستر عاد

وافكر بعد اشقر قبل العيد بيوم انا قالولي خلاص دام انج في آخر شهورج عادي شقري وصبغي ..

هاذا الي اعرفه يا اختي

اختلفت الاراء خخخخ

مدام الاراء مختلفه امتنعي من هالشي افضل لج و حق البيبي عشان ماتصير لج مضاعفات بعدين تتحسفين
اجلي كل شي الى مابعد الولاده

انا من حملت كنت أشقر ويهي وجسمي
لين ما وصلت وانا السادس وانا أشقر
ما كنت أعرف أنه مب زين للحرمة الحامل
إلا من بنات المنتدى.
وعقب خففت يعني العيد الي طاف شقرت ويهي و رقبتي و صدري.
وحق هالعيد ما بشقر لين ما أدخل التاسع ان شاء الله.

والله الحافظ ان شاء الله و الي الله كاتبنه بيستوي..
والحمدلله على كل حال.
توكلي على الله