السلام عليكم ورحمة الله وبركاته المهم بدا فالموضوع على طوول انا بصراحه ماعندي طريقه معينه فالمحافظه على وزني اكل اللي فخاطري ماااسوي رجيم خير شر بس وزني ثابت اهم شي انج تتحركين بعني يلستج لازم اتقل سواء عالتلفزون او عالنت حاولي تتحركين قد ماتقدرين على فكره انا كان وزني قبل العرس 58 وحملت وزاد وزني واااايد تقريبا وصل 79 قلت عادي عقب الربى بهتم فعمري … عقب ماربيت طبعا ارضع اجوف وزني اشوي اشوي ينقص لين ماوصل 56 والله ماكملت كمن شهر الا وزني رد نفس اول واحلى بس اشوي حسيت يبالي رياضه لاني متنت بسرعه ونقصت بسرعه على فكره انا ماطلبت من ريلي شغاله عسب احب الحركه وهذا الشي لصالحي وعسب جسمي يتحسن اعرف لو يبتها بيلس لاشغل ولا مشغله والوزن شغال فالزياده المهم الحين انا مستمره عالرياضه يعني 4 ايام تقريبا مشي نص ساعه عالجهاز ورياضه البطن 50 مره على فكره مافيني بطن والحمدلله مع اني مريبه والكل ملاحظ هالشي ونا روحي مستغربه بس الرياضه عسب الشد ورياضه الخصر 100 مره وغير الطلعات والحركه فالاسواق وغيره واستخدام كريمات الشد والمحافظه عى جسم خيالي وعندي رياضه روعه للشد واتحسين فيها من عقب ماتخلصين منها هي انج اتخلين ظهرج سيده مستقيم طبعا وانتي واقفه اشوي اشوي تنزلين بس مادقين الارض ويكون احسن لو اتحطين اوزان بس انا ماااروم يالله يالله اسويها 20 مره بصراحه اتحسين عضلاتج كله اتعورج عقب التمرين يعني منه فايده المهم طولت عليكم واااااااااايد والسموحه….
تسلمين حبوبه وان شااء الله دووووم يثبت وزنج ..وعقباالنا ياارب…
.. مشكووووورة عالنصايح الحلوة ..
وينكم شو الموضوع ماعيبكم ؟؟؟؟ ههههههههههه
ماشاءالله
وعقبال الجميع
وعقبال الجميع
يه والله صدقتي الشغااله هذا اهم شي
انا كنت واااايد ضعيفه قبل لا تي الشغاله كان وزني اقل عن 50 تقريبا 45
بعد ما يبنا الشغاله وزني 57
والحين قاعده احاول الترحك وما اعتمد ع ا لشغاله لو بإيدي اسفرها بس مشكله الماما بدهياها
الله يوووووووووووووفقج حبوبه وان شالله نضعف شراتج