اليوم عنديلكم طريقة عمل غسول للشعر من نبتة روزماري 
غسول رااااااائع فوايده كثيرة و منهم منع القشرة و التساقط باذن الله
و لباقي الفوائد بامكانكم تسون بحث بالقوقل بلا تتعبوني 
طلعت الطرق من اليوتيوب و طبقتهم في البيت 
نبتة روزماري ريحتها روووووووعة مهدئة
يوم تفورونها ( تغلونها ) تحسون اعماركم في سباااا 
بس عاد ان حد دخل و ما عنده ذوووووووق
و سوا بيف بيف شو هالريحة عاد ما يخصني
لا اعرفكم و لا تعرفوني 
اول شئ بعلمكم كيف تسوون الزيت !
عاد اسهل منه مااااااااااااافي
تيبون غرشة زيت زيتون تصبونه في غرشة حلوة
اهم شئ الغرشة ما تكون غرشة جبن مخلصين الجبن و تبون
تحطون فيه الزيت ههههههههه تراني مرات اسويها
كنت اسوي الحين بطلت اسوي لوول
هالغراش سعر الوحده 5 في هو ار اص و بالتنزيلات 4
خذوا لكم كمن غرشة عمليات و حلوات
حطوا فيها كمن غصن روزماري
( اكليل الجبل )
بدووووووووون غسيل مب تغسلونه تراه بيعفن 
تخلونه حدود شهر بمكان مظلم و كل يومين ثلاث تحركون الغرشة
بدون ما تفتحون الغطاء
و عقب تصفونه من العشبة و تستخدمونه كأي زيت آخر
ان طبقتوا و عيبكم لا تنسون تدعون الله يحفظ اولادي و يجعلهم من الصالحين
الله يبعد عنهم شر الامراض و من ذرياتكم و غواليكم ياااارب
اتشرط بعد 
شكرا انوسه
بيبي عيسى يسلم عليج 
الروزمارى من وين ولا نشترى العادى من العطار موضوعج يهبل فنان
المشاركة الأصلية كتبت بواسطة صلاتى حياتى 
الروزمارى من وين ولا نشترى العادى من العطار موضوعج يهبل فنان
جزاج الله خير أختي أنوسة, فعلا الروزماري ( إكليل الجبل ) مفيد للشعر .
أختي صلاتي حياتي الروز ماري الأخضر ( الطازج يعني) تلاقيه في اللولو والمراكز الكبيرة عند الخضار لأنه يستخدم كمنكه ومطيب للطبخ . بتلاقيه في علب بلاستيك . والناشف بتلاقيه عند البهارات . أما دايماً أجيبه أخضر أو ناشف من اللولو .