شحالكن يامهات
لو سمحتن انا مب في البلاد مسافره برع من شهر 11-2017سافرت عشان علاج ريلي للخارج
وكان ضروري اسافر معاه المشكله انه اخر تطعيم لبنتي كان شهر 11 نفس الشهر الي سافرت فيه وفاتني يمن 5 او 6 تطعيمات ولا اعرف شو اسوي بنتي بخير الحمدالله الحين عمرها 9 شهور ونص
وابا اعرف هل ممكن يستويلها شيء بسبب تاخير التطعيمات ولا لاء انا وايد خايفه عليها … وياليتكن يا امهات تساعدني ما اروم اطرشها عند حد من اهلي المشكله عادي لو يوم او يومين تصبر عني س مب اكثر ولا حد بيروملها وانا ماروم اخلي ريلي وهو بالحاله وقلبي ما يطاوعني اطرشها عند اهلي والله احس ما بيرومولها والحل يا امهات انا برجع الامارات بعد العلاج الطبيعي مال ريلي ع اول شهر سته يخلص اريد اول ما انزل اللامارات سيده اسير اطعمها عادي ولا
لو سمحتو اي وحده ادش ياليت ترد عليه
بتقولون مهمله ادري بس صدقوني ريلي كان مسوي حادث فضيع وطاح بغيبوبه كم شهر والحين مايقدر يمشي الا بعلاج طبيعي وانا ما اروم اخليه بروحه يباني ايلس عنده انا وبناتي شو الحل تخيلكن
وجزاءها الف خير الي تنصحني
وبدعيلها في كل صلاتي
مادري والله.. انا أخرت تطعيم ولدي 3 شهور..
وصديقتي اخرت تطعيم بنتها 6 شهور..
اتصلي في دكتور بنتج وسأليه..
بعدين ليش ماطعمتيها وانتي برع شو المشكلة.. ترا نفس الشي..؟؟
اعتقد علشان التطعيم بعيدون لها التطعيمات من الأول هذا اللي اعرفه وان شاء الله لا تحاتين عسى خير ،،ومابيأثر عليها.
وبنتي 8 اشهور
حتى التطعيم اللي يعطونهم اول ما ينولدون اعتقد الرن ما عطوهم برع عطيته لعيالي لما رجعت بس انتي حاولي اطعمينها من المكان اللي انتي في وبعدين يوم بتردين اتكملين لها مال البلاد