صبغ الشعر والتشقير لصحتك

السلام عليكم اخواتي الفاضلات عدت لكم من بعد غياب طويل المهم بدخل بالوموضوع
انا حامل بالشهر الثالث وبعد 9 ايام ادخل بشهر ال 4 سؤالي هوة يصير اصبغ شعري واشقر
لان صارلي فترة شعري بهت لونة وزوجي جاي من سفر اريد اغير من شكلي الرجاء منكم كولولي الصبغة تاثر عالجنين والتشقير ولاا كيف زين اذا ماتاثر يصير اصبغ واشقر بنفس اليوم طولت عليكم عذروني سالت دكتورتي عند طريق وتساب بس كتبتلي صبغي وبس مفهمت عليها الله ينولها الي بالها الي ترد علي وشكرا

أنا حامل أشقر عادي ويهي بس الصبغ موب زين لأنه ينزل للياهل

عزيزتي حاولي تبتعدين عن اي كيماويات
حتى مواد التنظيف بالبيت لها تاثيرها عالجنين
صحة الجنين اهم من اي شي ثاني
الله يرزقج بالولد الصالح المعافى باذن الله

غناتي انا هذا اول حمل لي وقبل الحمل كنت أصبغ واشقر وايد بس من حملت الدكتوره منعتني قالت على الأقل الين ما تدخلين السابع وعقبها صبغي وشقري في البدايه محد ينصح بالصبغ والتشقير بس انا من دخلت السادس بديت احني شعري وابتعدت عن الصبغة وحسيت انها احسن بوايد وهي عالجته بعد والحين ناويه بعد أحط حنى ان شاء الله من ادخل التاسع بأسبوع

الله يسهل عليج حبيبتي ودعواتج

والله اللي اعرفه ما ينصحون بالصبغات والتشقير في الشهور الاولى
والوحده ما تجازف بصراحه

صحيح الشهور الاولى مب زينة للصبغ والتشقير

في صبغاات بالاعشابب تقدرين تشترين منها وتسوينن فالصالونن عن تجربه طبعآآ بتلاقين فالصيدليه منهن ..
بالنسبه للتشقير وايد حريم يشقرون وهم حوامل ِ
بس يختلف من جسم ل جسم احسن لج لاتجازفين ..