خواتي عندي صديقه تعاني من مشكله مع بشرة ايدها
وها المشكله تسبب لها اوقات احراج
ما بنتكلم عن لون البشره بل عن تجاعيد بشرة اليد
هل فيه كريمات خاصه لبشرتة اليد للشد؟؟؟
يعني تشد بشرة اليد
الي تعرف لا تبخل ع الحرمه
لا عدمناكن
فمان الله
ما قلتيلنا اختج وزنها يتناسب مع وجود التجاعيد على الإيد ولا لا؟
يعني هل هي نحيفة وبالتالي التجاعيد سببها نحافتها أو إنه وزنها زين وتعاني من تجاعيد الايدين؟
عموماً .. التجاعيد على الايدين أحياناً ما يخصها بالوزن .. أو حتى بالعمر .. تلقين نساء أجسامهم حلوة وتجاعيد على ايدينهم .. عندج كثير من نجمات هوليوود دليل على كلامي.
في كل الأحوال أنصحها إنها تبتدي تعتني بيدينها بشكل يومي .. خليها اتجرب هالطريقة وان شاء الله تنفع:
1_ تستخدم مقشر أو سكراب مكون من قطرات من زيت الزيتون والليمون مع الملح.
2_ بعد ما تغسل ايدينها اتحط عليهم ماسك مكون من : ملعقة عسل وملعقة زبدة وملعقة زيت لوز وكبسولة فيتامين إي .. بعد ما تخلط المكونات اتحطهم ع إيديها وتلبس قفازات بلاستيك استهلاكية وتخليهم لمدة ربع ساعة.
3_ عقب ما تغسل ايديها تدهنهم بالمرطب.
4_ تمارس هالتمرين وهو مهم جداً لأنه يحرك الدورة الدموية ويخلي الدم يوصل لأطراف الأنامل وبالتالي اتخف التجاعيد بشكل ملحوظ .. والتمرين عبارة عن:
تحريك الذراعين للأمام على شكل مروحة لمدة خمس دقايق وبشكل سريع.. وبعدين ترجع اتحركهم بشكل عكسي للخلف.
خليها تستمر على هالوصفة وان شاء الله بتخف التجاعيد وتتحسن ايدينها .. جمال ونعومة وبلا تجاعيد .